كشف حساب

2008
سنة غربية قوي
الواحد مش عارف يقول الله لا يرجعها ولا يقول دي كانت سنة ممتازة...
بجد سنة محيرة قوي و مليانة
انا مش هاتكلم عن اللي التليفزيون صدعنا بيه لا انا هاتكلم عن اللي يخصني منها بنت اللذين دي
ف ناحية منها: انا خطبت و عملت عمرة و لاقيت شقة و حلقت اقرع و تخنت و بقلظت
وفي الناحية التانية: اعصابي تلفت و عنيه وجعتني وعدي على 5 مديرين....
تخيل 5 مديرين اه والله من اول
take an action
لحد المفتش كرومبو .... او حرنكش في احد الروايات

ف 2008 كان نفسي قوي اغير شغلي + ازود دخلي + ابدا ف الدراسة تاني او اكمل يعني
ف 2008 ندمان على ذنوب كتير ارتكبتها + اني ما اخدتش بالي من ناس كتير اسعدوني + مواقف سلبية اخدتها

ف 2009 نفسي افضل ف شغلي ( ف الايام السودا اللي جاية دي) + عاوز احتفظ بدخلي باي شكل + مش عاوز ادرس اي حاجة لان العلم بيتعب اصحابه ( المجانين ف نعيم يا عم) وكل واحد مريحاه دماغه
ف 2009 خايف من ذنوب انيل حاسس اني هارتكبها + مش عاوز اخد بالي من اي حاجة لان المشاعر بتتعب اصحابها + ياريت لساني يلزق ف سقف بقى و مايعرفش ينطق احسن شكله هايقطع عيشي كده سلبي سلبي بس نعيش

2008 اول سنة ف حياتي اتمنى انها تخلص بسرعة لان الاحداث فيها كانت اكتر من اي سنة تانية
2009 اول سنة نفسي انها تخلص من قبل ما تبتدي لانها داخلة علينا بضهرها

بس يا جماعة الحقيقة تتقال
برغم كل المشاكل و المصاعب اللي عدت ف 2008
انما منيو الخمسة لسه بخمسة

مسير ام مخير

حاجات كتير بتخلى الانسان يعيد حساباته
يعنى لما تحصله مواقف غريبة يظل يفكر ليه ومين وفين وايه الحكمة وهكذا...سواء وصل للدرس او لم يصل

الموضوع ده افتكرته من موقف حصل قدامى بسبب الشركة اللوز اللى انا بشتغل فيها

الموضوع ان الشركة عماله تحط الواحد فى مواقف غريبة وفى نفس الوقت حاسس انها "الشركة يعنى" بتؤثر فى مجرى سريان حياتى..ودخولى فى الشركة كان زى الحلاوة ومحاولات الخروج دائما تبوء بالفشل ( حتى الان فما زالت المحاولات مستمرة)....انا ومديرى ظروفنا متشابهه فى الفكرة دى وهو مخنوق زيى ويمكن اكتر..الموضوع ده خلاه فى يوم يقولى انا بتهيألى ان الانسان مسير ومش مخير...على فكره هو مؤمن ومتدين بس ده من اللى شافه

مسير مش مخير....ياااه هو لسه السؤال ده قائم
وقعدت افكر تانى

سمعت اجابات كتير وامثلة توضح الموضوع ده لكن اجمد مثال كان قاله اكرم واحنا قاعدين مره

بص يا سيدى ...
انت فى هذه الحياة زى اللى سايق سيارة على كوبرى (اكتوبر مثلا)...
فى حاجات انت اللى بتعملها بمزاجك
وفى حاجات برضة انت اللى بتعملها بس غصب عنك
واحيانا بتبقى محتاج تاخد قرار فى ثانية
والقرار ده ممكن يحدفك بعييييد ويبقى الرجوع شبه مستحيل
وفى حاجات ممكن تحصلك من غير ما تعمل حاجة
وفى قيود حواليك ماسكاك وتحدد قراراتك
بس قراراتك دى انت اللى بتاخدها مش حد تانى
وفى نفس الوقت مش كل حاجة فى ايدك
يبقى انت ايه...مسير ولا مخير؟؟؟؟

مثال جامد موت..وللحديث بقية
عبدالحكيم

1430,2009 CONTRACT

1430,2009 CONTRACT

After serious & cautious consideration,

your contract of friendship has been renewed for the New Year 1430,2009!

It wasn't a very hard decision to make... but anyway try not to screw it up!

My Wish for You in 1430

My Wish for You in 2009

May peace break into your house and may thieves come to steal your debts.

May your pockets become magnets of $100 bills (or Euros or Golden coins, whatever is worth it!).

May love stick to your face like Vaseline and may laughter assault your lips!

May your clothes smell of success like smoking tires and

may happiness slap you across the face and may your tears be that of joy.

May the problems you had, forget your home address!

In simple words . . .

May 1430,2009 be the best year of your life!!!

المهمة الصعبة

السلام عليكم

زمان ايام الواحد ما كان طالب كنت بضيع وقت كتير وفى الاخر كان يتبقى لى بعض الوقت اللى بستفيد منه يعنى مثلا اضيع 10 ساعات واستفيد من ساعتين

لما اتخرجت بقى عندى ساعتين بس ...شوف انت بقى ...وبالتالى بقيت استفيد من نصف ساعة مثلا او اقل ...اياميها كنت بقول انى لما اروح يا اما اكل او احلق او استحمى ولو جتلى مكالمة تليفون يبقى اليوم خلص

لما اتجوزت بقى يا معلم ... بظبط بظبط حاسس انى محتاج انزل اخد نفس وارجع تانى اركب العربية اللى انا سايقها بسرعة 80 كم من غير ما تقف العربية...خليها عشريين كم ...علشان لما اخلف ان شاء الله الاقى حاجة اقولها

الحقيقة الموضوع ده شاغلنى اوى ..واخرتها ايه...انا هفضل كده لحد ما اموت..بدأت انزل فى كتب عن ادارة الوقت

والحاجات دى productivity وكيف تزيد ال

نزلت حوالى 800 ميجا كتب ومعنديش وقت اقرأهم ...هأوأووووووو

احد الكتب كنت بحاول اقرأ فيه ..جايب شوية افكار..فكرة منهم هى فكرة فراش الموت
بيقولك تخيل ان انت على فراش الموت..بجد..وعيش اللحظة دى بكل احاسيسك..ويا ريت لو المكان يكون ظلام تام..ولو عرفت تنزل القبر يكون احسن..بعنى زود التفاصيل على قد ما تقدر...وشوف كان نفسك فى ايه تعمله ومعملتوش وعايز تقول ايه للى وقفين يودعوك ..تخيلهم واحد واحد واعمل حوار معاهم ...وساعتها بس هتعرف ايه اهم حاجات فى حياتك واد ايه فى حاجات هايفة كانت شغلاك عن الحاجات المهمة..جربوها يا جماعة وقولى لى رأيكم ايه..انا جربتها وحسيت بحاجات جامدة جدا وان الامور وااااااضحة
وللحديث بقية

عبدالحكيم

من أين نبدأ؟

لا تقل : من أين نبدأ؟
طاعة الله البداية
لا تقل : أين طريقي؟
شرع الله الهدايه
لا تقل أين نعيمي؟
جنة الله كفاية
لا تقل غداً سأبدأ؟
ربما تأتي النهاية

عبدالحكيم

Change

"change is for everyone but only strong can accept the change"

فراغ بعيد عنكو

انهارده ثاني ايام عيد الأضحى المبارك
طبعا كل سنه وانتو طيبين
انا بقا صاحي من بدري جدا صحيت على صوت قطتين بتخانئوا على السلم تقريبا كانت الساعه خمسه ونص الصبح
ومن ساعتها وانا صاحي مفيش اي حاجه تتعمل ولا الدموع يا معلم
قلبت التلفزيون كله مافيش حاجه مفيده برده كله تفاهات على افلام وحاجات كتير قوي
بس برده انا مش لاقي اي نشاط يتعمل - تقربا دلوقتي الساعه العاشره صباحاً - ده حتى النسكافيه اللي عملته من شويه خلص برده
اه اه نسيت اقولكو اني طبعا اعدت شويه على الفيس بوك عشان ابقى بجاري التطور
مممممممممممممممممممممممممم آآآآآآآآآآآآآآآآآآآآآآآآآآآآآآآ
مش عارف احتمال لما الناس تصحى كمان شويه ممكن يبقى في حاجه تتعمل
اشوفكم على خير إن شاء الله

و عجبي

ياما صادفت صحاب و ما صاحبتهمش
و كاسات خمور و شراب و ما شربتهمش
أندم علي الفرص اللي انا سبتهم
و الا علي الفرص اللي ما سبتهمش
و عجبي

نشرة الأخبار

السادات والساده
هذه هى نشرتنا الثالثه على التوالي لهذا اليوم
أعلنت جهه عليا مسؤليتها عن اختفاء عبد الحكيم
واكدت انه من المحتمل عدم ظهوره خلال الفتره القادمه نظراً لظروف الحياه الصعبه
بينما يعاني صديقاه اكرم عبد الجبار ومهند كمال من حاله احباط شديد ومن المحتمل اختفائهم في ظروف غامضه
ولا نعرف الي اين ستؤدي بهم هذه الظروف
وهذه كانت اخر نشارتنا الإخباريه

النشره الإخباريه

السادات والساده
السلام عليكم ورحمه الله وبركاته
قد وصلت الينا أنباء تؤكد بأنه قد شوهد يسير وسط الزحام بميدان الحياه
وقد حاول مصدرنا بتتبعه او التحدث معه ولكنه للأسف اختفى مرى أخرى
ونحن نواصل البحث عنه فتابعونا

نشرة الاخبار

السادات والساده
لقد اختفى في ظروف غامضه عبد الحكيم أسعد
منذ ثلاثة أسابيع ولم نتوصل الي أي أخبار عنه
سوف نوافيكم بالاخبار أول بأول فتابعونا

الدرس

فى المدرسة نتعلم الدرس ثم نخوض الامتحان فى الحياة نخوض الامتحان ثم نتعلم الدرس

انا متشائم

صباح الخير او مساء الخير لأنها مش هاتفرق!!!
صبح ولا مسا ايه يعني... ماهو كله زي بعضه
غامق ولا فاتح لون السيراميك هايفيد او يضر بايه؟ المعرض فتح 9 ولا 9:5 هايحصل ايه؟ رديت على المدير ولا طنشته و سيبته يرن هل ده هايغير حاجة؟؟؟؟
بسم الله الرحمن الرحيم .. بسم الله الرحمن الرحيم الاجابة...... لا!؟!؟!؟!؟!؟
التكتيفة اللي انا مكتفها لروحي دي مالهاش اي فايدة هي كده ولا كده خربانة خربانة فاحسنلي بقه اني أ (ك ج) زي ما بيقولو و استنح الافاصي على رأي الواد اشرف
خدت ايه يعني من الشرف و الاخلاق والضمير؟.... تحبو اقولكم؟؟؟ اخدته مغري و قد كده!!! اه والله مغري
تشتغل او تتمرقع.. تعمل راجل على بيتك او تطنش.. تاخد بالك من تصرفاتك مع اصحابك او تبقى لامؤخذة.. كله عند العرب صابون
الناس اتعودت على انك وحش و مهما عملت الكويس هايفضلو ينحلو ف وبرك ف الاحسن انك تبقى بغل زي بقية الحيوانات اللي ماشيين ف الشارع وما تعملش فيها اسد قوي
لان الغابة اللي احنا عايشين فيها دي و هي مسألة قدرية تماما...!!! يستوي فيها الأسد بالحمار والنتيجة واحدة انك هاتعتبر حيوان
على فكرة انا مش اسف على اني جيبتلكم اكتئاب معايا
ما انتم لازم تقرفو معايا اشمعنى انا يعني؟
واهو المليان يكب ع الفاضي
و ف النهاية
ماتصبحوش على ؟؟؟

مؤتمر الحزب الحاكم

بعد مؤتمر الحزب الحاكم سوف تشهد مصر.. تشهد أن «لا إله إلا الله».. ثم تموت

انا ... باخاف

صباح الخير او مساء الخير

يا اخوانا عاوز اعترفلكم بسر خطير.... انا باخاف!!!

طبعا واحد فيكم هايستظرف نفسه و يقولي معلش ياصغنن او هايتفلحس و يقولي عادي كلنا بنخاف هاقوله لا مش دي المشكلة ... المشكلة اني انا بخاف بجد يعني خواف!!!؟؟؟

انا مثلا بخاف من الكلب احسن يعضني مع علمي الكامل بان خوفي مش هايمنعه من عضي لو قرر يعمل ده.... انما المقرف اني دايما بخاف. الموضوع طبعا مش موضوع كلب او مكان ضلمة لا سمح الله, الموضوع هو الخوف اللي مسيطر على جزء كبير من حياتي و يمكن من عمري كمان

عمر حد فيكم حس بالاحساس ده؟؟؟؟ حس انه خايف كتير؟؟؟

انا النهاردة قررت اعترف اليكترونيا قدامكم في سابقة هي الاولي من نوعها في الاعتراف اونلاين

انا بخاف

انا يا اخوننا طول عمري خايف, او بمعني اصح طول عمري عندي حاجة خايف منها, و انا طفل كنت بخاف من الضلمة بعدها بقيت بخاف من المدرسة بتاعتي( ابلة ايمان) بعدها خفت من العيال المتشردين اللي كانو معايا ف المدرسة بعدها خفت من ابويا الله يرحمه مرورا بالخوف من السقوط بعدها للخوف من الفشل الدراسي و بعدين خفت من اني مالاقيش شغل ثم خفت من اني ما اترقاش بعدها خفت من انهم يمشوني و خفت كمان من مديري و خفت احسن اللي حبيتها تضيع مني وصولا لخوفي على حياة امي الخ الخ الخ

سلسلة متصلة من المخاوف... صدقوني يا اخوننا انا زهقت من كتر الخوف!! مع اني والله متأكد تماما من ان الخوف ده مش هايمنع البلا ولا هايأخره

ووحياة ابوكم ماحدش يقولي الحل انك تؤمن بقضاء الله و قدره عشان انا مش كافر بقضاء الله انما ده احساس. حد فيكم فاهم؟؟

عامل زي اللي بتحسه لما تقعد ف حضن امك.. بتحس بالامان؟ صح ؟ عمرك عرفت الامان ده جاي منين

اهه انا برضه دايما حاسس بالخوف و مش عارف هو جاي منين. و الاحساس ابن الكلب ده مسيطر على كل ركن ف حياتي زي الظل اللي يفضل لازقلك طول عمرك. هو برضه لازقلي زي ظلي

بالله عليكم يا اخواننا ماحدش عنده شوية امان؟ طب ولو حته صغيرة؟

امان يا محسنين لله

الخائف من زمان

اكرم عبدالجبار

العهدة العمرية

هذا ما أعطى عبد الله أمير المؤمنين (عمر بن الخطاب) أهل إيلياء من الأمان، أعطاهم أماناً لأنفسهم وأموالهم وكنائسهم وصلبناهم، وسقيمها وبريئها وسائر ملتها أنه لا تسكن كنائسهم، ولاتهدم، ولاينتقص منها، ولا من خيرها، ولا من صُلُبهم، ولا من شيء من أموالهم، ولا يكرهون على دينهم، ولا يضار أحد منهم ولا يسكن بإيلياء (القدس) معهم أحد من اليهود وعلى أهل إيلياء أن يعطوا الجزية كما يعطي أهل المدائن، وعليهم أن يُخرجوا منها الروم واللصوص، فمن خرج منهم فهو آمن على نفسه وماله حتى يبلغوا مأمنهم، ومن أقام منهم فهو آمن، وعليه مثل ما على أهل إيلياء من الجزية، ومن أحب من أهل إيلياء أن يسير بنفسه وماله مع الروم ويخلي بيعهم وصلبهم، فإنهم آمنون على أنفسهم وعلى بيعهم وعلى صلبهم حتى يبلغوا مأمنهم، ومن كان فيها من أهل الأرض، فمن شاء منهم قعد وعليه مثل ما على أهل إيلياء من الجزية، ومن شاء سار مع الروم، ومن رجع إلى أهله فإنه لا يؤخذ منهم شيء حتى يحصدوا حصادهم
شهد على ذلك الصحابة الكرام :
خالد بن الوليد , عمر بن العاص , عبد الرحمن بن عوف , معاوية بن أبى سفيان

حد فيكم يسألني: انا كتبت البتاعة دي ليه؟

اقوله: يمكن لاني حاسس باننا بقينا ملطشة لكل من هب و دب و نفسي اشم ريحة زمن كنا احنا اللي بندي فيه الامان للناس و نحط شروط

the bicycle

Life is like riding a bicycle. To keep your balance you must keep moving.”
- Albert Einstein

ميلاد جديد

الأمس كان يمثل بالنسبه لي يوم مميز لأنه شهد ميلاد أول نشرة إخبارية صغيرة تتحدث عن تكنولوجيا المعلومات من إعدادي وتصميمي وتأليفي بس بجد يا جماعة اللي فرق معايا أكتر فرحه الناس بيها وإعجابهم بها أوي منهم اللي جيه حياني على الفكره واللي حياني على المعلومات اللي فيها وطبعا في اللي جيه يهني من باب المجاملة بس بجد يا جماعه كان سبب سعادتي فرحة الناس وأن الهدف اللي أنا عملتها عشانه شبه اتحقق لأ والاكتر من كده اللي فرحني قوي قوي إن أنا لما كنت بعلقها في أحد الأماكن وأول ما خلصت لقيت الناس وقفت تقراها بجد فرحت قوي ساعتها ماعنديش كلام تاني أقوله بس حبيت أسجل اللحظه ديه

life

When you think you know all the answers
life suddenly changes all the questions

مع نفسى

انا : انت بتؤمن بالحظ
انا : قصدك ايه
انا: يعنى الدنيا فيها حظ
انا : الاول نتفق ايه هو الحظ
انا : يعنى واحد عنده حاجة كويسة ومابذلش مجهود ليها
انا : حاجة كويسه
انا : مثلا واحد غنى قوى او فى وظيفة جامدة او من عائلة كبيرة او وارث او مشهور..كده يعنى
انا : ومين قال ان دى حاجات كويسة
انا :امال ايه..وحشة
انا :ولا كويسة ولا وحشة دى مجرد ابتلاء..امتحان يعنى
انا :ااااااااه...طب يا ريت الواحد يمتحن كده
انا :لا امتحان كمان للى معندوش الحاجة..انه هيشوف ناس عندها حاجات كده وهو معندوش والحاجات دى مش بالجمال اللى انت فكره...كفاية انك لما بتتعود عليها مابتسحش بيها...ده غير انك لما بتوصل هناك بتلائى عيوب كتيرة ما كنتش تتخيلها
انا :عندك حق

مجرد حوار مع نفسى
عبدالحكيم

الامتحان

اجب على جميع الاسئلة :

س: قاعد مابتعملش حاجة وسمعت الاذان , هتعمل ايه ؟
ج: طبعا هقوم اصلى

س: فاضل ساعتين على الفجر وعندك شغل سبعة الصبح , هتعمل ايه ؟
ج: طبعا هظبط المنبه على اذان الفجر واقوم اصلى ان شاء الله ومنبه تانى على ميعاد الشغل

س: اتعرفت على بنت وفضلت ماشى معاها وتكلمها وفجأة سمعت شريط وربنا تاب عليك ,هتعمل ايه ؟
ج: طبعا مش هكمل مشى ويا اما اتقدم لها او انهى علاقتى بيها

س:جبت كمبيوتر جديد وواحد جبلك شوية حاجات على الهارد بتاعك ولقيت فيهم حاجات مش ولا بد هتتفرج حب استطلاع ولا هتعمل ايه؟؟
ج: حب استطلاع ايه ده مدخل من مداخل الشيطان طبعا شفت ديليت فورا

س: وانت فى الشغل جت المديرة ومدت ايدها تسلم عليك , هتعمل ايه ؟
ج: طبعا مش هسلم علشان ده لا يجوز

س: بتحب تسمع الاغانى وسمعت خطب كتير وقرأت انها حرام وتنبت النفاق فى القلب وعندك شرايط اغانى كتيير مش عارف هتعمل فيها ايه واغانى كتير على الكمبيوتر ,هتعمل ايه ؟
ج: طبعا هتوقف فورا ومش هسمع لانه حرام والشرايط هسجل عليها او اتخلص منها وامسح الى على الكمبيوتر

س:كل يوم بتركب المواصلات وبتطحن وانت رايح الشغل ، ومعاك مبلغ ينفع انك تجيب عربية بنظام القرض وانت عارف انه غلط والمفتى طلع وقعد يقول كلام كتيييير ويقولك عيب عليك امشى ورايا بس انت مش مصدق ... بس هتريحك طحن لو جبتها ,هتعمل ايه ؟
ج: طبعا مش هاخد قرض ربوى لانه حرام وانا ما دام عارف ربنا هيحاسبنى

س: بتشتغل فى بنك وانت راجل متجوز وعندك 4 اولاد فى المدارس وواحد قالك انه حرام هتعمل ايه؟
ج:هروح اسأل عالم ثقة لانى مش عارف ايه الصح وانفذ اللى يقوله ايا كان

س : انتبهت انك راجل مسلم بس فى حاجات كتييير فى دينك وحياتك مش عارفها هتعمل ايه؟
ج:طبعا هبدأ اتعلم دينى واحده واحده او على الاقل هسمع شرايط قد ما اقدر

السؤال التالى اجبارى وعليه النجاح والسقوط :

س: لو اتحيط فى المواقف دى عمليا هتنفذ اجاباتك دى؟؟؟؟؟؟؟؟؟
ج: ............................هه

عبدالحكيم

لي زميله

لي زميله
صاحبتني السنيين الطويله
لي زميله
لم تفارقني الثواني القليله
لي زميله
علمتني كيف أصنع الف حيله
لي زميله
علمتني كيف أبدي المشاعر الغزيره
لي زميله
أرشدتني إلى طرق الرزيله
لي زميله
علمتني كيف اصنع الحبال الطويله
لي زميله
هل عرفتم من تكون تلك الزميله
إنها النفس السقيمه
إنها النفس التي أرجو من الله أن تكون مستقيمه
إنها النفس التي أرجو من الله أن تكون له ذليله

بم برلم لم

بم برلم لم لم لم لم
هأو أو
ناو ناو ناو
شاو شاو شاو
عاووووووووووو
اوعى السريع .... انا جايييييييييى

خواطر موظف مخنووووووق
عبدالحكيم

السلم

"انك لن تصعد السلم بمجرد النظر اليه "

مابحبهوش بس هو اللى قالها

انيس منصور

الجواز خدك مننا

الجواز خدك مننا
ومابقتش تسأل عننا
يارب تبقى تودنا
وترجع تيجي عندنا
نشوفك وتقف وسطنا
الجواز خدك مننا
وبكره يا اكرم تحصله
ونروح يا عبده نوصله
وبكره برده نفكره
ان الجواز خده مننا
وانا ماليش غير ربنا
ولسه بكره اما تجيبوا عيال
ساعتها الوصال بقى مالمحال
ربنا يرضا عنكوا وعننا
الجواز خدك مننا

الف مبروك يا صحبي

والله انا مش عارف اقولك ايه لاني بجد فرحانلك
بجد الف مبروك الزواج يا عبد الحكيم وربنا يا رب يوفقك ويباركلك ويجمع بينكم دايما على خير وحب وطاعه لله دائما وابدا
وان شاء الله نحصلك عن قريب انا واخواك اكرم عبد الجبار
وعشان ندي فرصه لأولادنا هما اللي يكتبوا على المدونه

بكرة تفتكرالايام دى وتضحك

بكرة تفتكرالايام دى وتضحك

جملة لذيذة افتكستها مش فاكر امتى لكن فاكر انى استخدمتها كتيير فى الازمات

فى عز ما بكون مشدود بفتكرها....هى ما بتخففش اوى يعنى...بس بتخفف

الغريب انها حقيقة فعلا...يعنى مثلا امتحان العلوم وانا فى رابعة ابتدائى... او التفاضل فى الثانوية العامة.... او مقابلة الدكتورة فى تانية ميكانيكا(الامتحان الشفوى)... او اول مقابلة شغل فى حياتى...وغيره وغيره ...دلوقتى بافتكرها واضحك ..او حتى ابتسم وانا بافتكر اد ايه كنت مشدود وازاى الموقف عدى

الغريب رغم الكلام ده كله الا ان فى مواقف فى حياتى باقول فيها بس ده يعدى واى حاجة بعد كده

سبحان الله

عبدالحكيم

ليلة مقابلة شغل ( رقم 25 فى حياتى تقريبا ) بس مشدود اوى

المحطة الكبيرة

السلام عليكم
ازيكوا يا شباب .... وحشتونى...بجد وحشتونى

فاكرين الكلام عن المحطات فى حياة الانسان...احدثكم اليوم.. بعد المرور باحد اهم المحطات ..
دى بقى محطة مهمة جدا حاجة كدا زى بنها فى الدلتا او رمسيس فى مصر او طوكيو فى اليابان او بكين فى الصين او برلين فى المانيا او كنجستون فى جاميكا..كفاية كده
محطة الجواز ..ايوة انا اتجوزت ..انا نفسى مش مصدق .. لدرجة انى باقعد ساعات اكلم نفسى باصوات مختلفة قائلا ..انا راجل متجوز ...انا راجل متجوز..انا راجل متجوز...اناااا راجللللل متجوززز
الحمد لله
خواطر كتير جتلى وانا داخل على المحطة او حتى فى المحطة نفسها
مثلا
حسيت انى بتولد من تانى...ايه يا عم الكلام الشاعرى ده
لا مش قصدى ..انا قصدى المعنى حرفيا ...ان فى حاجة صعبة اوى ومتعبة اوى بتحصل علشان يطلع منها حاجة حلوة قوى وحياة جديدة تبدأ بريئة وتزداد فيها المسئوليات يوما بعد يوم ...حدث مهم والناس اللى حوليا كلهم فرحانين ومهتمين وانا محور الحدث ده....شبه الولاده مش كده..بس المره دى انا عارف ايه اللى بيحصل

حاجة تانى حسيتها فى يوم العقد...
يعنى بالرغم من ان الحضور كان عدد محدود لظروف زواجى السريعة
الا انى وجدت ان كل اللى جالسين تربطنى بهم علاقات من نوعية فردية وكل واحد يمثل لحظات معينة
ده اقدم واحد فى صحابى اللى اتربينا سوا وجمعتنا مواقف كتييره وده جارى اللى بحبة وافضفض معاه وده اجدع واحد اشتغلت معاه وده اخر صاحب ليا من الشغل ودول جيرانا اللى بيصلوا معانا
يعنى مجموعة من المشاهد كنت اتذكرها لما كان تيجى عينى فى عين حد...يعنى بشوف حياتى كلها بس بمونتاج يعتمد على الشخصيات
كل ده متجمع فى لحظة واحده...علشان يفرحوا بيك
ييعنى بلغة الاكسس من وان تو وان ...دى لحظة وان تو مينى
بجد بجد لحظة جامدة موووت

وللحديث بقية

عبدالحكيم
بعد 18 يوم من الزواج

سبحان الله

ما أصاب من مصيبة في الأرض ولا في أنفسكم إلا في كتاب من قبل أن نبرأها إن ذلك على الله يسير

لكي لا تأسوا على ما فاتكم ولا تفرحوا بما آتاكم

والله لا يحب كل مختال فخور

ولا يهمك يا عمنا

ولا يهمك يا عمنا
ده بكل بيد ربنا
هو اللى حامينا كلنا

سامحني يا صحبي

سامحني يا صحبي ماكنتش اقصد
مع اني عارف ان عنيه بترصد
قولت الحكايه وقعدت افضفض
هقطع لساني عشان يتعلم يسكت
سامحني يا صحبي ماكنتش اقصد

أنا مصرى

أنا مصرى أبن مصرى وليا الشرف
برغم المهانة برغـــــــــــــــم القرف
برغم الزبالة اللى مالية الشــــــوارع
برغم الفســـــــــــاد اللى بيه أعترف
سمو معـــــــــــــــالى رئيس الوزارة
نتيجة موظف بسيـــــــــــــط أنحرف
برغم المجاعة اللى داخلين عليهــــــا
وفينا اللى عـــــــايش حياته فى ترف
برغم البطــــــــالة فى أوضة وصالة
برغم أن أخر جنيـــــــــــــه اتصرف

برغم طـــــــــــابور الصباح السخيف
وكل منايا يادوب كــــــــــــــام رغيف
برغم أسايـــــــــا لمنظر عشايـــــــــــا
وأقول مش مهم يــــــــــا واد نام خفيف
برغم إنى شايف بــــــــــلاوى وساكت
وعايش مطنش كـــــــــــــــــأنى كفيف
برغم وزارة رئيسهـــــــــــــــا حرامي
وشوفوا البجاحـــــــــــــة يقولوا نظيف
برغم الســـــــــــلام اللى غرقت بناسها
برغم العيـــــــال اللى ساكنة الرصيف

برغم حكومة شعـــــــــــــارها الكلام
ورغم رئيسنــــــــــــــــا عليه السلام
ورغم أن كله يــــــــــــــا عالم بيغلى
إلا كرامتى بترخص قــــــــــــــــوام
برغــــــم إنى عايش في بلدى فريسة
ووجبة شهية لبعض اللئـــــــــــــــــام
برغم أن كـــــــــــــل تاريخك يا بلدى
فعهد جنابه كـــــــــــــلام فوق رخام
برغم ده كله يــــــــــــا مصر بحبك
وطظ فيهم ودا آخر كلام

احمد فؤاد نجم

لخبط لخابيط

لخابيط

لخابيط اسم بيفكرك على طول ببرنامج فيه واحد بيستخف دمه و عمال يعوج بقه و بيتكلم بكلام مش مفهوم.

الحقيقة اني حاسس بكده اليومين دول .. والله

حاسس فعلا ان الناس بتتكلم معايا بكلام مش مفهوم عشان لاقدر الله الناس واكله شبة زي الفيلم لا بس عشان الناس مش بتعرف تتكلم وده انا حاسس بيه قوي

يعني الناس مش عارفة معنى الكلام اللي بتقوله ولا تأثيره

يعني واحد يفضل مثلا يذملك ف واحد تاني ويقولك انه انسان زفت ..الخ الخ ومهما تفوله خليك شويه منصف واديله حزء من حقه يقولك ابدا ده ابن ؟؟؟؟ و فجأة تلاقي الاولاني ده مزنوق ف حته موقف منيل وماحدش يعرف يخرجه منه غير المشتوم ده ؟!؟!؟ طب و ايه الحل؟

مافيش حل غير انه يتقرب من الراجل اللي كان نازل فيه شتيمة ده

او مثلا تبقى قاعد مع واحد صاحبك بتشاركه موقف صعب و بعدين تلاقي واحد محترم داخل بينكم بيضرب اسفين مع العلم ان علاقتك بصاحبك ده ما تضروش خالص ولا حتى هو بيكرهك مثلا ولا اي حاجة. طب انت فهمت ايه من الكلام ده؟؟؟؟؟

ارهنك لو فهمت حاجة

ماهو ماحدش ممكن عنده تفسير لكلام ملخبط كده

ليه الناس بتتكلم بشكل عفوي بكلام وحش؟ السؤال ده بيزعجني قوي يعني ليه مثلا الناس مش بتغلط و تقول حاجة صح على اعتبار ان التعبير خانهم ف اختيار اللفظ المناسب ف يقومو يختارو لفظ كويس

او مثلا بدل ما بتصرفو بشكل يأذو فيه حد!! من غير ما يقصدو يعني!! يقومو يعملو تصرف مفيد او كويس

حد يقولي ياخونا هو الشيطان بيلعب بينا زي العرايس ولا الناس هي اللي نبيتها وحشة فعلا

كل اللخابيط دي بتزعجني و تلخبطني

البحر الكبير

البحر الكبير
ده اسم المدونه بتاعتنا لكن حد يعرف أكرم وعبد الحكيم ليه سموها كده
انا نفسي مش عارف
طب هو ايه اصلا مواصفات البحر الكبير
آه آه اقولك انا مواصفاته انه بحر وكبير هههههههه
في الحقيقه يا جماعه انا مالقتش حاجه اكتبها قولت ارخم عليكم شويه
وفي نفس الوقت عشان متنسونيش وبالمناسبه انا طبعا عارف هو ليه اسمه البحر الكبير
ولكن يظل السؤال هو ليه اتسمى البحر الكبير؟ ده سؤال بطرحه عليكم وعايز اجابات كتير
والفايز هيربح معانا جوايز كتير قوي

organizations vs football teams

wait for more ...

Akram AbdelGabar

Note: انا اللي عامل الصورة دي مش جايبها من ع النت ... اه والله

To be continued ...

الحال من بعضه

الحال من بعضه
اد ايه يا جماعه انا حاسس باخويا عبد الحكيم وخصوصا اني عشت معاه
تفاصيل الحكايه اللي هو حكاها بجد يا جماعه اصعب حاجه على الواحد انه يمر بظروف تضايقه في شغله
اللي هو كل حياته واضف على ذلك انه لما يكون الشغل ده لا يضيف الي خبرتك اي شيئ
ويخليك واقف مكانك ومش من المفروض انه يكون هو ده اللي بيحصل
المفروض ان كل يوم بيعدي بتزيد الخبره واتعلم شئ جديد
طب حتى لو رضيا بالوضع ده وماتكلمناش الاصعب من كده انك لما تيجي تاخد القرار انك تستغنى عن الناس اللي مواقفاك مكانك
ديه تلاقيك مش عارف وده لانك بعد مرور شوية وقت بقى ماعندكش اي خبره جديده فالمكان التاني هايخدك على اي اساس
الموضوع كبير وانا مش عايز اصيب حد باحباط اكثر من كده وخصوصا اخويا عبد الحكيم
ولكن في النهايه اتمنى ان كل الناس يتوفقوا في شغلهم وكلهم يوم يمر عليهم يزدهم خبره
ومعرفه عشان نقدر نقدم حاجه جديده وفي نفس الوقت تكون مفيده

نقطة تحول

يبدأ الفيلم باحداث هادئة... البطل بيروح الشغل فى ميعاده..او متأخر شوية... مخنوق شوية فى الشغل بس مستحمل وبيحلم بشغل تانى احسن...بيرجع بيته فى ميعاده ويوم الاجازة بيمارس الرياضة او يخرج يوم الخميس بالليل ...الاحداث عادية وشبه مستقرة
فجاة بتجيله مكالمة تليفون وتبدأ احداث الفيلم فى اتجاه الذروة.....وتبدأ المشاكل
ودب درب..كل ما نقول هاتتحل تتنيل اكتر
الناس اللى بتتفرج عارفة كويس انها هتتحل هتتحل
بس الذروة طولت قوى وعمالة تتكعبل...
اصل انا البطل ومعرفش ايه اللى هيحصل
والمكالمة دى حصلت من سنة تقريبا...وبسببها جيت الشركة بنت الشركة اللى انا فيها دلوقتى
وكل شوية اقول هتتحل قريب ...وبعدين زو لو تكعبل اكتر
وعمال احاول اخد اكشن ..ادور على شغل... طب اسعى فى الجواز...طب اشرب ليمون ...طب اكل سندوتشات سمك
طب انا عملت ايه غلط... عارفين حاولت اهرب كم مرة ..كتير قوى
ودايما الشركة دى تكلبش فيا زيادة
مش عارف اعمل ايه...
يا رب انت القادر على كل شىء
حلها يا رب

عبدالحكيم

رسالة الى ذوى العقول

من اجمل ما سمعت والله اعلم بصحة الاثر اوضعفة

روى فى الاثر ان موسى عليه السلام سأل ربه
قال رب لم تهب الحمقى
قال كى يعلم ذوى العقول ان الرزق بيدى لا بأيديهم

علاء قمحاوى فى احد كلمات تييت راديو

عبدالحكيم

الشعرة البيضاء

اجمل حاجة لاحظتها عن التدوين انه بيسجل احداث حياتك او على الاقل المحطات الهامة فى حياتك

واتمنيت انى كنت بدأت التدوين قبل كده بكتير ...من يوم ما اتولدت مثلا

ازاى ومكانش فى انترنت؟؟؟؟؟؟

انا باقول اتمنيييت

وده خلانى افكر فى موضوع المحطات فى الحياة ..احيانا الحياة بتمشى فى احداث عادية زى بين المحطتين واحيانا بيجى حدث عامل زى المحطة حتى اننا نستخدمة فى التأريخ زى فرح ابن العمدة عند الفلاحين...مثلا قبل ما ادخل المدرسة... قبل الثانوية العامة... قبل والدى ما يتوفى...قبل ما اشتغل..وهكذا

الاسبوع اللى فات حصل حدث عادى ومش عادى ماحدش بيستخدمة كمحطة مع انه مهم جدا

الاسبوع اللى فات ظهرت اول شعرة بيضاء فى رأسى

ياااااه هو ده الحدث طب ما نا راسى مليانه

يا ريس انا بتكلم عن نفسى وهو كان حدث برضة فى حياتك بس ممكن انت ماخدتش بالك او مش عاوز تاخد بالك..انت حر

بس الموضوع ده خلانى افكر فى الحياة ومعناها وايه اللى هيحصل بعد كده فى حياتى ويا ترى هعيش قد ما عشت؟؟؟

اسئلة كتييييرة...فكرت فيها

بس ...

حبيت اخد بالى من المحطة دى كويس قبل القطر ما يكمل مشى

عبدالحكيم

حصاد العام التدوينى

خلال عام تدوينى تم كتابة 60 مدونة

مهند كمال 27 مدونة
عبدالحكيم اسعد 19 مدونة
اكرم عبدالجبار 14 مدونة

اكثر شهر هو شهر البداية يوليو 2007 بعدد 15 مدونة
اقل شهر هما اكتوبر 2007 ومايو 2008 ماكتبناش حاجة خالص

افضل مدونات اكرم هى يا لهوااااى
افضل مدونات مهند كيف تصنع
افضل مدونات عبدالحكيم صعبانة عليا ..الجزء الاول
احسن صورة صورة السلم فى مدونة الناس اللى فوق
احسن تعليق التعليق اللى كتبة اكرم لنفسه فى مدونة نعل الملك

ملحوظة مهمة : كل ده يمثل رأيى وفى حالة عدم تقديم اى من الاعضاء طلب احاطة للتعديل او الاضافة خلال اسبوع سيتم اعتبار ذلك موافقة منه وسيتم تدمير هذه الملحوظه اوتوماتيكيا زى السى دى فى المهمة المستحيلة ..ماشى

عبدالحكيم

Happy Birth Day To Us

كل سنه واحنا مدونين
كل سنه واحنا مفكرين
كل سنه واحنا متميزين
كل سنه واحنا جامدين
كل سنه واحنا طيبين

كل سنة و احنا طيبين

يا شباب اطلبو العشا
عشان هانكتب هناااااااااا
بهذه العبارة احب ابدأ كلامي النهاردة. و كلامي النهاردة لا عم السياسة ولا الاقتصاد ولا الدين ولا الجواز ولا اي حاجة خالص
انا النهاردة بحب اسجل تهنئتي بمرور سنة على افتتاح المدونة
يا اخونا المدونة دي عاشت معانا حاجات كتير قوي و ربنا يقدرنا و تعيش معانا حاجات اكتر
من الرائع انك تعتني بشئ للدرجة اللي تخليه يبقى شريكك ف مراحل حياتك
بنظرة عابرة على مدونات السنة اللي فاتت تلاقي انها شاركتنا الكتير من الاحباطات و الاخفاقات و بعض النجاحات ( زي حصول عبدالكريم على الرخصة) انما مش مهم
المهم اني باتمنى ان السنة الجاية تشهد الكثير من النجاح
النجاح ده يجي ازاي مش مهم و ماعرفش ازاي انما ده بايد ربنا
كل سنة و انتم مدونين يا رجالة
كل سنة و انتم بتعبرو عن رأيكم زي مانتم عاوزين
و على فكرة
البحر الكبير لسه برضه كبير

take care

A young boy enters a barber shop and the barber whispers to his Customer,'
this is the dumbest kid in the world. Watch while I prove it to You.' The
barber puts a dollar in one hand and 25 cents in the other, then calls the
boy over and asks, 'Which do you want son?'

The boy takes 25 cents and leaves. "What did I tell you?' said the barber.
'That kid never learns"

Later, when the customer leaves, he sees the same young boy coming out of
the ice cream store. 'Hey, son, May I ask you a question?

Why did you take 25 cents instead of The dollar?'

The boy licked his cone and replied 'Because the day I take the dollar, the
game's over!'

Moral: Sometimes, when you think the other is dumb, you are making a fool
Of yourself

مين مسلم كمان؟

مسيحي دخل مسجد بمصر و معاه سكين و قال: مين فيكم مسلم؟

محّدش رد عليه إلا واحد شجاع قاله: أنا مسلم

اخذه برا و قاله: عندي خروف عاوزك تدبحه و تسلخه على ا لطريقه الإسلاميه

قال المسلم: أنا اعرف أدبح بس شوف حد تاني يسلخ

دخل المسيحي المسجد و السكين كلها دم من الخروف و قال: مين مسلم كمان؟

اشروا المصلين على الإمام

رد الإمام عليهم: 'في إيه ؟ هو عشان صليت فيكم ركعتين بقيت مسلم خلاص'

ذكاء العرب

هما دول العرب ولا بلاش

أفندينا أنعم علينا بعلاوة

تجيب كيلو جبنة وعلبة حلاوة
آتاري العلاوة مجرد أتاوة
و احنا علينا الكلام اختلط
*****
عشان في البداية حسبناها خير
و قلنا نواية حتسند يا زير
و حسنة حتمنع بلاوي كتير
و كنا حقيقي في غاية العبط
*****
في لحظة افتكرنا ان لينا حقوق
و نمنا و صحينا لقينا الخازوق
و قبل اما حتى يا عالم نفوق
لقينا اللي لسه حناخده اتشفط
*****
أفندينا يعني في لحظة تجلي
تعطف تلطف و قرر يخللي
مساحة الغلابة تزيد ستة مللي
و ياكلو بدال التراب الزلط
*****
أفندينا أعلن صدور القرار
و قبل اما ينجح في أي اختبار
فوجئنا بزفة و مولد و زار
قصايد جرايد برامج يفط
*****
تؤكد بأن الحكومة بذكاء
و من حزمة واحدة قضت ع الغلاء
و لابد يبقى لدينا انتماء
و ناكل و نشرب و نلبس خطط
*****
عبال النمو اللي قالوا عليه
و حايشينه عنا منعرفش ليه
ماتلمح مكانا في مرة عينيه
و نقدر ندوق منه حتى نقط
*****
مادام كل حاجة تمام ع الورق
مفيش أي داعي عشان القلق
و لو مش مصدق خلاص اتفلق
ورقنا اللي صح وكلامك غلط
*****
و قاللي مواطن عليم بالخبايا
أفندينا قرر تزيد الجباية
عشان شعبه جاحد قليل الرباية
بياكل و ينكر زي القطط
*****
اذا الشعب صدى بفعل البارومة
حتعمل حسابه ف ايه الحكومة
وهي اللي جاهزة بكرباج وشومة
عشان لوفي واحدفي عقله اتخبط
*****
تعيش مصر دايما في عز و جمال
يعيش الواطن شديد الاحتمال
و آمن تماما من الاشتعال
و أقصى ما عنده ينكت فقط

Technical Support

Dear Tech Support,

Last year I upgraded my system from Boyfriend 5.0 to Husband 1.0 and noticed a distinct slow down in overall system performance -- particularly in applications, such as Flower, Jewellery, etc which operated flawlessly when Boyfriend 5.0 was running.

In addition, Husband 1.0 uninstalled many other very important programs, such as Romance 9.5 and Personal Attention 6.5 and then installed undesirable programs such as NFL 5.0, NBA 3.0, and Golf Clubs 4.1.

Conversation 8.0 fails to initiate, and Housecleaning 2.6 crashes the system. I've tried running Nagging 5.3 to fix these problems, but to no avail.

What can I do?

Signed,

Desperate End User

---

Dear Desperate:

First keep in mind, Boyfriend 5.0 is an Entertainment Package, while Husband 1.0 is an Operating System.

Please enter the following in Command Prompt: 'I Thought You Loved Me.exe' and try to download Tears 6.2. Also, don't forget to install the update for Guilt 3.0. If these work as designed for, Husband 1.0 should automatically run the applications Jewellery 2.0 and Flowers 3.5.

But remember, overuse of the above application can cause Husband 1.0 to default to Grumpy Silence 2.5, Happy Hour 7.0 or Beer 6.1. Beer 6.1 is a very bad program that will download the Snoring Loudly Beta.

Whatever you do, DO NOT install Mother-in-law 1.0 (it runs a virus in the background that will eventually seize control of all your system resources).

Also, do not attempt to reinstall Boyfriend 5.0. This will crash the entire system.

In summary, Husband 1.0 is a great program, but it does have limited memory and cannot learn new applications quickly. You might consider buying additional software to improve memory and performance. We recommend Food 3.0 and Hot Lingerie 7.7.

Good Luck,

Tech Support