يا اخوانا انا ملاحظ حاجة يمكن تشاركوني فيها
البحر بيكبر كل شوية
و شوية و هايبلعنا فيه.. كل واحد ف اتجاه
انا حاسس بنفسي باضيع ف وسط البحر و الدوامات عمالة تلعب بي و مش لاقي دليل
نسيت انا كنت عاوز ايه من الدنيا ولا هي كانت عاوزة مني ايه
زمان كان نفسي اثبت لنفسي اني اقدر ابني نفسي من غير مساعدة و اكون"" اكرم"" من غير ما حد يحشر نفسه ف صورة حياتي و يقولي انا عملتلك كذا وكذا
بس بصراحة الموضوع فلت من ايدي لاني بعد ما عملت اللي انا عاوزه ده بقيت واقف مش عارف اعمل ايه عشان انا مش متعود امشي من غير ما اعرف انا رايح فين
كنت زمان كل ما تقف قدامي عقبة افتكر انا هدفي ايه دلوقتي مش عارف حاجة
انا دلوقتي حاسس بنفسي عايم ف وسط البحر و ببعد عن اي حاجة تفكرني بنفسي و المشكلة ان الدنيا ضلمت
يا اخوانا لو حد حنب كوبس النور ياريت يفتحه
يا اخوانا حد يفتح النور عشان انا مش شايف حاجة
يا اخواناااا
حد يفتح النور
