العمر

اسواء ما في الماضي.. انه لا يعود ابدا

اسواء ما في الحاضر.. انه يحدث الان وليس اي وقت اخر

اسواء ما في المستقبل.. انه آت لا محالة

.

.

.

لن تستطيع ان تعيد الماضي

لن تستطيع ان تؤجل الحاضر

لن تستطيع ان توقف المستقبل

المرأه

المرأه ... وما أدراك ما المرأه
هذا الكائن اللذي يمتلك العديد من الصفات
هذا الكائن المليء بالمتناقضات
فهى إذا ضحكت ضحكت الدنيا معها وإذا ابتسمت إبتسمت الدنيا معها
فهى بيدها أن تمنحك الدنيا بحلوها وهى التي بيدها أن تأخذ منك فرحها
أحيانا يكون لديها مبرر لما تفعل وأحيانا لا تجد أي مبرر عندها
أحيانا تحتاج اليك بشده وأحيانا مش فارقه عندها
أحيانا تكون البراءه كلها وأحيانا لا براءه عندها
أحيانا تتصرف بعقلها وأحيانا تأتي بما لا يتوقع منها
أحيانا رمز النعومه والرقه والجمال والإحساس والحنان والعطف والحاجات الحلوه كلها
وفي نفس الوقت فهى رمز الغضب والجنون والتمرد والقسوه والحاجات الغريبه كلها

المرأه ... وما أدراك ما المرأه
فإنها ان صلحت صلح جميع من حولها
وإن فسدت قد تؤذي من حولها
أوقات تكفيك نظره عطف أو نظرة حنان أو نظرة ضعف أو نظره إشتياق تحصل عليها منها
وأوقات قد لا تطيق القرب منها
أوقات قد لا تستطيع العيش بدونها
وأوقات تحتاج أن تترك دربها
المرأه هى خير متاع الدنيا إذا صلحت نفسها
وأجمل إمرأه في الجنه إذا من أهلها

ساعات بشتاق

ساعات بشتاق ده عنوان الاغنيه الجديده للمطرب محمد فؤاد
والاغنيه بتتكلم عن الذكريات وهو طفل والعادات والتقاليد الجميله اللي غالبا مابقتش موجوده
نظرا لسرعه الحياه وانشغال الكل بالسعى في شغله او حياته عموما
لكن كل ده مش مهم الغريب يا جماعه اني لاقيت ناس كتير قوي من اصحابي وانا كمان معاهم
كاتبين بدايه الاغنيه ده في الحاله الخاصه بيهم على الفيس بوك
"ساعات بشتاق ليوم عشته وانا صغير وساعات بشتاق لشكلي قبل ما اتغير"
كلمات طبعا تدل على ان اللي هيكتبها يبقى آكل عليه الدهر وشرب ولكن الغريب
ان كل اللي كتبوها عمرهم ماعداش ال 30 يمكن انا اكبر واحد في كل اصحابي
بس ياترى هو ايه اللي وصل كل الناس ديه للدرجه القويه من التأثر بالاغنيه
هل ده لاننا فعلا كبرنا بسرعه فبقت الحاجات ديه ذكرى من زمن بعيد انا ماعتقدش لاننا لسه صغيرين
والمفروض اننا في اجمل مرحله في العمر -الشباب- لكن الظاهر ان الواقع غير كده
الظاهر ان ضغوط الحياه خلتنا نحس اننا عايشين من زمان
يمكن تكون خلتنا نحس اننا منسيين يمكن ويمكن ويمكن لكن
ارجع واقول اهلينا يقولوا ايه لما احنا وفي السن ده بنقول كده
طب هل ده بيعبر عن حالة شجن سكنت قلوبنا
ولا يمكن ده بيعبر عن حاله هروب من الواقع اللي ممكن مش قادرين نواجهه بشجاعه
طب ممكن بعد اد ايه مانستسلمش لاغنيه زي ديه وتخلينا نفتكر اننا فقدنا احلى لحظات عمرنا
اللي بقينا بنتمنا نرجعلها تاني على فكره انا كمان نفسي ارجع للايام ديه تاني
لكن اللي لفت نظري انه لسه بدري علينا لما اغنيه زي ديه تخلينا عايشين في الماضي
اللي يمكن لسه معداش عليه كام سنه أقصد حاجه قريبه قوي يعني
ولفت نظري كمان اننا تقريبا كلنا اصبحنا بنحب الحزن اكتر من الفرح مع اننا المفروض
نكون عايشين مبسوطين وفرحانين او على الاقل نسبه التفاؤل والفرح تكون اكتر بكتير من الاستسلام
لحاجات يمكن نكون احنا اللي بنحط نفسنا فيها
يارب كلنا نبقا فرحانين وكلنا تفاؤل وفرح ونتطلع للمستقبل اكتر ما نقعد نترحم على الزمن اللي فات
طبعا وانا كمان معاكم

اللهم اكشف عنى البلاء

وَإِن يَمۡسَسۡكَ ٱللَّهُ بِضُرٍّ۬ فَلَا ڪَاشِفَ لَهُ ۥۤ إِلَّا هُوَ‌ۖ وَإِن يُرِدۡكَ بِخَيۡرٍ۬ فَلَا رَآدَّ لِفَضۡلِهِۦ‌ۚ يُصِيبُ بِهِۦ مَن يَشَآءُ مِنۡ عِبَادِهِۦ‌ۚ وَهُوَ ٱلۡغَفُورُ ٱلرَّحِيمُ (١٠٧) يونس

حصاد العام التدوينى الثالث

بسم الله الرحمن الرحيم

كل عام تدوينى وانتم بخير
اسمحولى يا جماعه قبل ما اتكلم عن الارقام اتكلم شويه عن صديقتنا وقعدتنا وحتتنا....مدونتنا العزيزه البحر الكبير
الحقيقى تحولت المدونه دى الى حاجه جميلة فى حياتنا بنفضفض معاها.... بتشاركنا احزاننا ومشاعرنا...بتسجل مواقفنا المختلفه
بنقدر من خلالها نعيد فلاش باك لمواقف مهمه او كنا شايفنها مهمه فى وقتها
بجد بجد انا سعيد بيها وبيكم
تصفيق ............

اشكركم جدا
اسمحولى اتكلم بختصار عن بداية المدونه
من تلات سنين بدأت الفكره دى بينى انا واكرم (مهند كان مشغول شويه لظروف امتحاناته) انا فاكر قعدنا على قهوه وبدأنا نختار الاسم ونعمل تصفيات لحد ما وصلنا لاسمها احالى
واسمحولى اكشف لكم عن حاجه لاول مره يمكن محدش يعرفها بعض الاسماء اللى كنت كاتبها فى كشكول عندى كأفكار قبل ما اقعد مع اكرم
على فكره الكشكول ده عندى حتى الان...الاسماء اللى كنت كاتبها هى
المسطبه ..BUGS LIFE..رحلة المليون..FIGHT CLUB...البلكونه...
BUTTERFLY EFFECT....
مركز شباب الجزيره...انبابه...الاكسلنس....المشكاه...شاى بلبن...لو لم اكن مصريا

وقعدنا عند اكرم فى البيت وكتب هو اول مدونه
تصفيق وتصفيرمستمر لفتره ...............
شكرا ليكم وكفايه لحسن هعيط

وكعادتنا نختم بالارقام

تم كتابة 38 مدونه
اكرم 16 وافضلهم الضفدع المغلي 1
عبدالحكيم 15 وأفضلهم خد اللى نفسك فيه
مهند 8 وأفضلهم الحمد لله

اشهر الاحداث
بدأ العام بزواج اكرم السعيد ربنا يباركله اكتر واكتر
سفر مهند الى السعوديه للعمل بمكانه الجديد ربنا يوفقه اكتر واكتر
وفاة زميل عبدالحكيم عمرو عطيه
كالعاده الشغل واخد حيز كبير من المدونات
ارتفاع اداء اكرم فى الكتابه ..شكله فى اخر الفيلم هيبقى كاتب
كتير من مدونات مهند كانت دعاء اوحمد ...يمكن ده يخلينى اقوله لو مكسبتش غير قربك من ربنا وبيت ربنا...يبقى لازم تتحسد
اصبحت المدونات اقل لكن زى الحقن...عمالين نزود فى تأملاتنا ونظرتنا للحياه
التغيير الاخير الجميل اللى عمله مهند لشكل المدونه وان كان به مسحه من الحزن...بس شيك وجامد
انتظار اكرم مولوده الاول .... بالسلامه ان شاء الله
تدخل المدونه عامها الجديد وقد اختلفت الاماكن....اكرم فى حلوان....مهند فى الرياض ....وانا فى العاشر من رمضان
سبحان الله....يا ترى السنه الجايه زى النهارده هنقول ايه فى المناسبه دى

وللحديث بقيه ان شاء الله
عبدالحكيم

قانون مورفي

الحلقة الاولي - قانون الفيونكة الحمراء

نبذة للتعريف: الخواجة مورفي مهندس في احد القواعد الجوية الامريكية ساخر و متشائم و شعاره في الحياة " الشئ السئ سوف يقع في اسواء وقت و باكثر الطرق سؤا" المهم ان الرجل جرت على لسانه بعض الكلمات المشابهه و التي اصبحت مضربا للامثال

الحاصل انني لا اعلم كيف اتاني هذا اليقين من ان احدا ما قد قرأ قوانين مورفي التشاؤمية هذه وقرر تطبيقها في المحروسة " اسم النبي حارسه و صاينها" للدرجة التي اظن معها انه يجب تغيير اسمها من قوانين مورفي الى قوانين الحياة في المحروسة

القانون الاول: لن ينصت اليك احد حتى تقول كلاما خاطئا

تذكرت هذا القانون عندما اتصل بي مديري " لعلم انا اعمل في مجال المبيعات" و ناقشني في مشكلة نقص المبيعات في الفترة الاخيرة

ملحوظة: لفظ ناقشني يحتاج مراجعة و لفظ الفترة الاخيرة يحتاج مراجعة اكبر

المهم انه امرني ببذل جهد اكير في عملية البيع التي اشك انه مارسها ولو لمرة واحدة في حياته ثم سألني هل قمت بلف منتجات العرض الخاص بنا بفيونكة حمراء؟!؟!؟!؟ حتى يصبح شكله جذابا و يقدم العملاء على شرائه

ولاني اعلم تماما اصل مسألة هذه الفيونكة ضحكت بيني و بين نفسي و الموضوع ان هذا المدير كان يتحدث مع احد زملائي عن نفس الموضوع و حاول الزميل ان يقنعه ان نقص المبيعات ليس ناتجا عن ضعف ادائنا البيعي و انما عن مشاكل تتعلق بالقدرة التنافسية للشركة و هو محق فيما يقول و لكن المدير استأسد على صاحبنا وكان له بالمرصاد فما كان من الزميل الا ان تدارك الامر و اقدم على كذبة بيضاء اذ اخبر المدير الهمام انه قام بعمل لفة بفيونكة حمراء حول منتجات العرض الاخير و هنا استبشر المدير و استطاب بالا و هدئ نفسا " مع العلم ان زميلي لم يكن فعل اي شئ مما قاله" ثم وجد نفسه مضطرا لان ينفذ ذلك فعلا لانه تورط فيه وورطنا كلنا اذ ان الكذبة اعجبت المدير و قرر تعميمها على كافة الفروع

ومن الجدير بالذكر ان هذا الختراع الفذ لم يحقق اي نجاح في كل المعارض التي قامت بتنفيذه حتى المعرض المخترع له

خاتمة: حاولت جاهدا ان اوضح نفس ما حاول زميلي توضيحه للمديرولكني لم احقق نجاحا يذكر لذلك عندما سألني المدير عن الفيونكة اخبرته انني فعلت شيئا افضل و هو انني خصصت طاولة مستقلة لمنتجات العرض و اعجبته الفكرة بشدة

وبالطبع لم اكن قد فعلت اي شئ وجدتني متورطا ايضا في نفس الخازوق

حقا لن ينصت اليك احد حتى تقول كلاما خاطئا

الضفدع المغلي - 2

عودة للواقع...

بعد السرحان في عالم العدل و الظلم و عماق و الاغوار...الخ من الكلام الكبير, لا يجد العبد لله سوى العودة للواقع الاليم اللي الكلام فيه مش باللغة العربية!! لا الكلام "بالعربي"!! ومش مهم الفرق بين التعبيرين

المهم اننا بنلاقي تطبيق عملي و فعال جدا من حكومة المحروسة لنظرية الضفدع صاحبنا.. يعني مثلا لما تبقى الحكومة عاوزة تقنعك بإن سنة ساتة ابتدائي " الصف السادس الابتدائي" ضرورية..مايطلعش المسؤوم بتاع حروق الانسان يقولك دي ساتة مهمة في العملية التعليمية... لا ده يصعب عليك امتحانات الثانوية العامة عشان ابوك يدعي من قلبه ف صلاة الفجر ان ربنا يبعدك عنها بسنة اضافية و احتمال كمان يدعي ان ان يبقى فيه سنة سابعة ابتدائي لو لزم الامر

ولما يبقو عاوزينك ما تخشش الكلية اللي وبمزاجك يعملك نظام تحسين " لزوم انك تجري ورا المجموع" و سلملي ع المجموع

لما يبقو عاوزينك تفقد الاملفي اي تغيير يسوفو و يأجلو كل وأي قرار ممكن يرضيك او يريح بالك..."خد بالك"هو مش هايقولك لأ!!! هم هايوافقوا ويقولولك " برافو عليك اما انت طلعت شاطر" بس للاسف دي مسائل لازم تاخد وقت و دراسة المعاهدة الدولية بتاعة سنة مش عارف كام بتقول انه ما ينفعش و البرتوكول بتاع الحتة الفلانية ما يسمحش قبل 6 او 9 سنين

وسبحان الله و له في خلقه شئون

اظن ايضا ان هذه النظرية تنطبق على الشغل باكثر مما تنطبق على اي شئ اخر مثلا مديرك مالهوش ف الشغلانة اصلا.. ماشي.. تفتكر يعمل معاك ايه عشان يشعلقك؟؟ تفتكر يخصملك؟؟ ابدا تبقى كرودية!!

يسكت عليك خالص و يهويلك مهما تطلب منه و هو حاطط ايديه ف جيوبه و بيصفر ببقه لحااااااد ما يطقلك عرق و تقوم مزعق و مكسر الدنيا عشان الشغل اللي عطلان اللي هو مش عارف يشتغله و اول ما صوتك يعلى يا معلم تبقى وقعت ف المحظور....لانك تلفظت بالفاظ خارجة عن حدود الادب و اللياقة مع مدرائك مع انك بقالك عشر سنين بتبعت تقارير و شكاوي توضح بيها انه حمار و ابن ستين ؟؟؟؟؟ وما بيعرفش يوجفهيه انما كل ده لا يساوي شئ امام عفة السان اللي هي اهم من كل شغل و الادب اللي هو اهم من اي مكاسب

وسبحان الله وله في خلقه شئون

طب و ايه العمل؟؟؟

نبقي نناقش الموضوع ده في حلقة اخري لكن البروتوكول الموقع بين الاطراف ذات العلاقات المتشابكة في الثغرة المحورية للفناء الخلفي لمرجعية مدريد وقعو على اتفاق اطاري لبحث دوري لمسألة العمل هذه و اقرو ان سنة 2012 ستكون اخر سنة لموضوع العمل و سيكون فيها الحل

وبناء عليه نكمل سنة 2012 اللي هاتبقة قشطة باذن الله

لحظة تأمل

وكل ما فوق التراب تراب

عبدالحكيم