بدايه

مشروع صغير نبدأ بيه حياتنا ونتغير

ولازم نفكر عشان يبقى متطور

ولازم نسأل عنه ونستفسر

المجال مفتوح للكتابه

الاختبار

الاختبار ملكش فيه اي اختيار

وبدون ما يكون ليك اي قرار

وما عليك الا الصبر والانتظار

عشان تحظى بالانتصار

على الشيطان بكل اقتدار

وربنا يبعدك عن النار

ولو سقط في الاختبار

هتلاقي نفسك في قلب النار

ومكلش هناك اي اختيار

وتشوف بعنيك الانصهار(ربنا يكفينا شر النار)آ

وتقول ساعتها يارتني نجحت فالاختبار

عشان كده لازم تحلي نفسك بالاصتبار

على شده ومرارة الاختبار

وشوف نتيجه الاصتبار
تدخل جنه فيها انهار
وتقابل هناك كل الاخيار
وعنيك تشوف كل انبهار

وتبقلى احلى نتيجة اختبار

كيف تصنع

كيف تصنع القوانين الروتينية؟

مجموعة من العلماء وضعوا 5 قرود في قفص واحد وفي وسط القفص يوجد سلم وفي أعلى السلم هناك بعض الموز

في كل مرة يطلع قرد إلى الأعلى لأخذ الموز، يقوم العلماء برش باقي القرود بالماء البارد.

بعد فترة بسيطة ، أصبح في كل مرة يطلع قرد لأخذ الموز ، يقوم الباقين بمنعه وبضربه حتى ينزل حتى لا يرنشون بالماء البارد

بعد بعض الوقت، لا يجرا أي قرد لطلوع الدرج لياخذ الموز رغم كل الإغراءات خوفاَ من الضرب

بعدها قرر العلماء أن يقوموا بتبديل أحد القرود الخمسة ويضعوا مكانه قرد آخر . فأول شي يقوم به القرد الجديد أنه يطلع الدرج لياخذ الموز ولكن على طول الأربعة الباقيين يضربونه ويجبرونه على النزول.

بعد عدة مرات من الضرب، يفهم القرد الجديد بأن عليه أن لا يطلع السلم مع انه ما يدري وش السبب

قام العلماء أيضاَ بتبديل أحد القرود القدامي بقرد جديد، وحدث له نفس الشي بالقرد البديل حتى أن القرد البديل شارك زملائه بالضرب وهو لا يدري
وهكذا حتى تم تبديل جميع القرود الخسمة الأوال بقرود جديدة.

حتى صار في القفص خمسة قرود لم يرش عليهم ماء بارد أبداَ ومع ذلك لا يسمحون لأي قرد بطلوع السلم بدون أن يعرفوا السبب.

لو فرضنا وسألنا القرودو ليه تضربون القرد اللي يرقى السلم؟
أكيد بيكون الجواب
ما ندري ، بس كذا الأمور ماشيه هنا !!!
”ما تبدو لك الجملة من النوع المألوووووف“

أستغل هذه الفرصة لتشارك الآخرين
في تطوير العمل بأساليب حديثة

هناك شيئين فقط ليسى لهما حدود: العالم و غباء الأنسان
هكذا قال ألبيرت أنشيتاين

انت في وطن ديموقراطي

انت فى وطن ديمقـــــــراطي
طاطي راسك طاطي طــــاطي
انت ف وطن ديمقراطـــــــي
انت بتنـــعــــم بالحــــــــــرية بس بشرط تكون مطاطــــــي

لما تكون شغــال بذمــــــــــة خايف على مصــلحة الأمــة
شغلك يطلع من غير لازمــة علشان مبيعلاش غير واطي
طاطي راسك طاطي طاطـــي
انت ف وطن ديمـــــقراطي

لما حاميها يكون حراميــها
وبلاده ورا ضهره رامـيـها
طالع نازل واكل فيـــــــــها
مسنود بالبدلة الظباطــــي
طاطي راسك طاطي طاطـــي
انت ف وطن ديمـــــقراطي

لما شــقاك يصــبح مش ليك
فقرك سد السكة علــــــــــيك
تتلفّت تلــــقى حـــوالـــــــيك
إما حرامي و إما عقــــاطي
طاطي راسك طاطي طاطــــي
انت ف وطن ديمقراطـــــــي

لماتلاقي بـــــلاد الـدنـيـــــــا
فيها البني آدم حــــاجة تانية
وانت في الطبقات الـــــــدنيا
قرد مسلسل أو وطواطــــي
طاطي راسك طاطي طاطـــي
انت ف وطن ديمقراطــــــي

لما الجهلة يبــــــقوا أمــامــك
أو فوقك ماسكــين ف زمامك
ويسوقك ع الهــلكة إمامك
تشرب م السم السقـــــراطي
طاطي راسك طاطــــي طاطي
انت ف وطن ديمقـــــــراطي*
*
لمــــا الكلـــمة تكون بتدينـك
لما تخبي ف قلـــــــبك دينــك
لما الذل أشوفه ف عيـــــــنك
هات إحباطك على إحباطــــي
طاطي راسك طاطي طاطـــي
انت ف وطن ديمقراطــــــي
انت ف وطن ديمقراطـــــــي
كتبها الشاعر الكبير الحر احمد فؤاد نجم(الفاجومي)

انتوا فين يا جماعه

والله وحشتوني بئالكوا كتير لا حس ولا خبر
ومن ساعت اخونا اكرم ما اشتغل في مكان جديد محدش سامعله صوت ولا حاجه
طمنونا عليكوا يا رجاله
والسلام ختام

يا لاهوااااي

ضحكت فقالوا ألا تحتشم ### بكيت فقالوا ألا تبتسم

بسمت فقالوا يرائي بها### عبست فقالوا بدا ما كتم

صمتّ فقالوا كليل اللسان### نطقت فقالوا كثير الكلام

حلمت فقالوا صنيع الجبان### ولو كان مقتدرًا لانتقم

بسلت فقالوا لطيشٍ به### وما كان مجترئًا لو حكم

يقولون شذّ إذا قلت لا### وإمعةً حين وافقتهم

فأيقنتُ أنّيَ مهما أرِدْ### رضا الناس لا بد من أن أذمّ

حدث بالفعل

يا اصحابى يا اهلى يا جيرانى...انا عايز اخدكوا فى احضانى
يا جماعة انا عملت الرخصة...هييييييييييه
رخصة القيادة يعنى
لأ وايه من غير واصطة..ايوه من غير واصطه
رحت الصبح بدرى وقدمت واختبرت ونجحت..وعلى فكرة فرحتى بحكاية من غير واصطة اكبر بكتير من الرخصة نفسها او يتساوا على الاقل
وتعقيبا على التجربة دى....هناك عدة ملاحظات
أولا:
ان احنا اللى بنكبر موضوع الواصطه ده..كل الناس بتسمع عن الواصطة
واللى يسمع عدد معين من الحكايات يحكى هذا العدد +س (وس لا تساوى صفر)
نسمع ونحكى ونحكى ونسمع والحكايات تزيد والرعب ينتشر انا اعرف واحد من القاهرة غير بطاقته للشرقية علشان يعرف واحد هناك
وواحد تانى من الشرقية غيرها اسماعيلية
وليه ده كله
ومحدش فيهم حاول يعملها كده ولو حتى محاولة
طب دا انا ليه واحد صحبى خاله لواء.....راح من غير مايقوله...اى نعم سقط وبعد كده راح جاب كارت منه ...بس اهه عمل محاوله
وعلاج الموضوع ده بجد يا جماعة القاعده الشرعية التى تقول
اذكر الخير فينتشر ولا تذكر الشر فيندثر
ولذلك انا طول عمرى بدور على حد عمل الرخصة من غير واسطة علشان اردد حكايته وتنتشر بين الناس ماكنتش لاقى
لكن ربك كريم ..اراد ان العبد لله يكون هو الشخص ده
يا ريت يا جماعة تحكوا حكايتى علشان نكسر صورة الواسطة عند الناس
وللحديث بقية

عبدالحكيم

انا زهقان جدا جدا جدا

انا زهقان جدا والله ومش لاقي حاجه مفيده الواحد يعملها
ده حتى مفيش طاقه ولا عزيمه تعمل بيها حاجه لو لقيت حاجه تتعمل اصلا
اعدت افكر في اي حاجه جديده تتعمل قولت اشتري كاست للعربيه
ورحت اشتريت كاست لا وايه اصلي مش صيني قولت يمكن احس بحاجه جديده
المهم اشتريته بالليل وروحت ركبته ورجعت متاخر جدا والكاست فيه اوبشن جامد جدا
وشه بيتشال عشان ماحدش يعرف ان في كاست راكب
اشطه
المهم انا ركنت العربيه وشلت الوش بتاع الكاست عشان مايبانش ان في كاست راكب زي ما قولتلكوا
وتاني يوم نازل في امان الله وخارج مع اصحابي واذ بالمفجأه
الاقي اخونا هاني اللي كلنا عارفينوا طبعا واقف جنب العربيه بتاعته
واذ بيه بيقولي ايه النظام انت رايح تجرب الكاست الجديد وكده
انا بقا بيني وبين نفسي (كاست جديد !!!!!! هو عرف منين ) المهم انا قلبي اتقبض والحمد لله
خرت مع العيال واذ بيا تاني يوم وانا ماشي سلك الدبرياج يتقطع قولت الحمد لله المهم ان انا بخير
طب سبيك من ديه اجي ادوس على الانتظار الاقيه مش شغال قولت ابقى اشاور بايدي
روجت للكهرباي عشان اظبط الدنيا اذ بالكاست يطلع دخان وريحه شياط
قولت الحمد لله المهم الستر وربنا يبعد عننا وعنكوا العين
ملحوظه الحمد لله لحقنا الكاست قبل ما يولع ده بس ربنا ماحبش يزعلني و عشان فلوسه حلال

قولوا ورايا

قولوا ورايا
يأكل فيه الكلب العجوة
يأكل فيه الكلب العجوة
يأكل فيه الكلب العجوة
يأكل فيه الكلب العجوة
يأكل فيه الكلب العجوة
يأكل فيه الكلب العجوة
يأكل فيه الكلب العجوة
يأكل فيه الكلب العجوة
يأكل فيه الكلب العجوة

"صعبانه عليا"الجزء التالت

المشهد الاول
المكان الدور الثالث فى عمارة شيك....فى القاهرة احدى عواصم الدول العربية
المكتب الفنى باحدى الشركات
تسمع صوت الشيخ المنشاوى فى المكتب
اتنين ملتحين قاعدين على المكاتب يبدو عليهم الوقار
احدهم راجل كبير والتانى شاب صغير
انت جتلك يا محمد العروض بتاعت موازين البسكول
ايوه يا باشمهنس
الحاج ابراهيم والمؤسسة العربية والحاج شديد بعتوا
ايوه
طب اعملى المقارنه على الاكسيل ..علشان نختار احسن عرض ان شاء الله
حاضر
وابقى ابعتهولى ايميل
ان شاء الله
المشهد الثانى
ايه ده يا محمد انت عامل المقارنه بالعربى
ايوه
اخص عليك....انا علمتك كده.....غيرها انجليزى بسرعة وابعتهالى علشان نختار
يعنى المورد يبقى سابليير والسعر يبقى برايس علشان نعرف نختار ان شاء الله
اووك كيه

صعبانه عليا "الجزء الثانى"

المشهد الاول
ولا
ايه
عرفت ان الشركه هتختار اتنين يسافروا المعرض
ياااه
بس اهم حاجه اللغة
لغة ايه
العربى هأووو......الانجليزى يا بجم
ليه هو المعرض ده فين
فى السعوديه
المشهد التانى
شكرى وزينهم راجعين من المعرض وعايزين يأكدوا الحجز وهما راجعين""...ولا
ايه
اتصل انت بالتليفون بالشركة علشان تأكد الحجز
طب ما تتصل انت
ياد انت عارف ان الانجليزى بتاعك احسن بذات فى التليفون
طب يا خويا ...انا عارف طلعوك ازاى معايا
هى الشركة ايه
مصر للطيران يا فالح
ترررن تررن
هالووو...ماى اى هلب يو....

صعبانه عليا (الجزء الاول)..

المشهد الاول
حنكش عايش فى مصرونفسه يشتغل......
لقيتلك شغل يا حنكش بمرتب كويس
ايدى على كتفك
بس اهم حاجه يكون الانجليزى بتاعك برفكس قصدى برفكت
عيب عليك يا ريس.....بس ليه....هى الشغله ايه
هتقف فى محل سندوتشات
طب واللغه مهمه فى ايه....هو المحل ده فى الغردقه
لا...ده فرع جديد لسلسلة محلات محسن فى بولاق ابو العلا
طيب
المشهد الثانى
لو سمحت
ايوه
عاوز سندوتش كبده اسكندرانى من غير بصل وكتر الطماطم
10 جنيه
اتفضل
(حنكش ينظر خلفه....وبصوت عالى يطلب الطلب قصدى الاوردر)...وان كبده اسكندرانى ويزاوت اونيون وكتر التوميتووو...

حكمه بالانكليزي

Life is a test

Islam is the best

salat is must

khirat is for rest

world is only dust

if Qura'n is in chest

nothing need next

obey ALLAH first

success will be next

حاجه خنيقه قوي

حاجه خنيقه قوي لما تكون اتخرجت بقالك كام سنه سنين كتير يعني

وتكون بقا خلصت جيش واشتغلت ويمكن تكون اتجوزت كمان بس لسه ما دخلتش

وفجاءه تلاقي ان المعهد اللي انت اتخرجت منه ده باعتلك بيقولك ان في حاجه اسمها سنه خامسه

سنه خامسه !!!!!!! اه سنه خامسه مستغرب ليه كده غريبه ديه

المهم انك لقيت نفسك مضطر انك تكون طالب من جديد وتعيش الموضوع بجد زي زمان

وتروح وتحضر بقا ومدرجات وكده

يمكن تكون حاجه حلوه الى حد ما عشان هتعيش زي زمان شويه بس هتلاقي حاجات هتخنقك برده

انت نسيت انك بتشتغل ولا ايه

طب ايه اخبار الاجازات عندك سيبك من ديه طب الشغل بتاعك يا بيه مين اللي هيعملهولك

طب سيبك من كل ده نفترض اننا لقينا حل لشويه الحاجات ديه

في موضوع كبير قوي بقى

انك لما هتروح هتشوف اصحابك بتوع زمان واهم ما فيهم اللي بالي بالك

الحب القديم يا نهار ابيض الحب القديم !!!! وايه اللي جابه دلوقتي ده

هو ده وقته دانتا متجوز يابني انت نسيت تصدق لما شوفت الحب القديم ده انا نسيت فعلا

المشكله الاكبر بقى انك تلاقي نفسك بتفتكر كل حاجه بقا وبالاماكن كمان يعني صوت وصوره كمان

طب لو انت فكرت تنفض وتعمل نفسك مش واخد بالك منه تقوم تلاقي الحب القديم هو اللي جايي يسلم عليك يسألك عن اخبارك

مع انك انت قومت بدور الندل في الاخر بس تلاقيه هو مع كل ده هو اللي جاي بيسلم عليك وبيطمن عليك (اخلاق فرسان طبعا ) قولي بقى انت تعمل ايه مش مهم انت تعمل ايه ساعتها لان في مشكله تانيه ظهرت بمجرد انك شوفتها وشوفت اخلاق الفرسان ديه

بس اوعى تنسى يابني انت متجوز

ما علينا من الموضوع ده انت بقا المفروض دلوقتي بتذاكر عشان تمتحن بقا لا وايه هتمتحن عشر مواد وكلهم وارا بعض ربنا يكون في عنوك يا بني انت هتلاقيها منين ولا منين

عموما انا مش عايز اطول عن كده لان في كلام كتير قوي وانا لازم اقوم عشان ورايا شويه شغل

وان شاء الله هكملكم باقي الحكايه

مهند كمال

عمر الدنيا ما ظلمت حد

عمر الدنيا ما ظلمت حد واسالوا اي دموع عالخد

ديه بقى المقوله الشهيره للمطرب الشعبي العظيم حسن الاسمر

بس عارف لما تسمع الاغنيه ديه تيجي على بالك اسئله كتير قوي زي

لما عمر الدنيا ما ظلمت حد امال مين اللي بيظلم الناس طب سبيك من ديه لو حبينا نسأل ونستفسر مين اللي بيظلم الناس

هنلاقي ان على حسب كلام الاغنيه اننا لو سألنا الدموع هنلاقي الاجابه بس برده في حاجه محيره قوي هو احنا لو سألنا الدموع اللي على الخد ديه هترد علينا فعلا يعني هو في دموع بترد وبتتكلم زيننا كده طب برده اشمعني الدموع اللي على الخد تحديدا يعني

طب هل الدموع ليها تأثير كبير قوي يعني في موضوع الظلم ده عشان نستشهد بيها في الاغنيه برده مش عارف

طب اشمعنى بقى حسن الاسمر بالذات هو اللي غنى الاغنيه ديه

طب لو حبينا نغير كلمات الاغنيه هتبقى ايه مثلا

مش عارف انا اصلا مش عارف ليه افتكرت الاغنيه ديه تحديدا وقررت اني اعلق عليها

لو حد فيكم عارف اي حاجه في اي حاجه يكتب يقول بس يكتب حاجه توصلنا حاجه عشان نطلع فاهمين اي حاجه في اي حاجه ولا العمليه مش محتاجه اقولكوا خلوا بالكم من كل حاجه واي حاجه عشان في يوم يمكن نطلع بحاجه

انا مش فاهم حاجه

مهند كمال

بومبة

بص يا نجم النجوم
يقه سلامة كان ف خير ... و برضه خير كان ف سلامة
مين خير ؟ و مين سلامة ؟ مش مهم॥
على اي حال احنا اتولدنا كده في هذا البلد الذي يأكل فيه الكلب العجوة
كما قال اخونا عبدالحكيم""
و قعدو يا ابني يقولولك اوعي تشتم حد
اوعي تتخانق مع حد ف الشارع
المهم خدت انت الكلام على صدرك و صدقت زيك زي اجدع كيس
شوية و تدخل المدرسة و يقعدو المدرسات ولاد ستين (محذوفة) يقولولك اسكت خالص عشان تبقى شاطر
اشتري يا حبيبي الحلاوة بتاعة عمو الفراش عشان تبقى مؤدب
شوية و تكبر تلاقي نفسك ف دوامة دروس خصوصية ولازم تاخد درس عند المدرس بتاع الفصل بتاعك ( اللي هو دايما احسن مدرس ف المدرسة ما تعرفش ليه و احسن من كل التانيين ) و ده يمكن اتباعا للحكمة الخالدة اللي تعرفه احسن من اللي ما تعرفوش
و تبدأ بعد واحد و عشرين سنة من عمرك المأسوف عليه جميعا و ليس شبابه فقط من ادراك انك لم تكن سوى فرد في طابور اسمه جمهورية مصر المهلبية
و في الطابور ده كل شئ تم اعداده مسبقا
रेडी मदे प्क्ग
يعني انت ما عليك الا انك و ببساطة تطلع بطاقة و وقتها ستكون اديت مهمتك ف الحياة لانك و بحكم التاريخ و الجغرافيا و علم النفس و علوم كليات الشرطة
( و رجاء استعد للمفاجأة) صوت انتخابي
و حتى لا تتعب نفسك في عناء التفكير فإنك لن تكون مطالبا باختيار احد المرشحين
لانه اما ان المرشحين كلهم عبارة عن واحد و اما فإن واضعي النظام قد اعفوك من هذا المجهود و اختارو لك الاختيار الصحيح


انتظرو باقي البومبة في الحلقة القادمة

انت على الظالم يا رب
اكرم عبدالجبار

مفيش لا خشى ولا دين

خلاص مبقاش في خشى ولادين

ولا حتى بقى في ناس متربين

فاكر زمان النبين والمرسلين

كان فيه الناس محترمين و متدينين

فاكر الصحابه المؤمنين اللي كانوا للإسلام حامين

من كلام الكذابين وغدر الافاقين

كان ساعتها في دين وناس للإسلام حاميين

اما دلوقتي مابقاش في خشى ولا دين

تعالى شوف المسلمين مستهبلين

ويارتهم بس مستهبلين لا كمان متأمركيين

ومش واخدين بالهم انهم مغفلين ومتساقين

وياعيني على بنات المسلمين

بقوا مجانيين وبالقصير متمسكين

وهما لا في خشى ولادين

فاكر زمان في الفلاحين كان الناس متربيين ومحترمين

تعالى شوف الفلاحين مأنتخين ومريحيين

والله ما بقى في لاخشى ولادين

وبسأل نفسي ليه احنا بقينا نايمين

وعن الحق مغمضين ولكل حاجه منفضين

طب قولى انت ده يرضي مين

ويقوم القيامه هناك وافقين

ومش عارفين نجيب اجابه منين ولا منين

وفوق ده كله عرقانين وللحر مش طايقين

الله يرحم زمن الاولين السابقين اللي من غيرهم بقينا ضايعين

شكلي هقول ياليل يا عين وشكلنا كده مش فالحين

بقول لكل المسلمين يا ريت نبقى مفتحين

وعن الرجوله مش مستغنين وللنساء مربيين

وللنبي متبعين بدل مايجي يوم ونقل الرحمه فين

اتمنى يبقى في خشى ودين

وللشرع نفضل متبعين

وعليه نفضل متحدين عشان يبقى في خشى ودين

أخوكم مهند كمال

المفروض يكتبوها فى المطار

احم احم
لما تدرس فى الكلية " اللى المفروض انها من اهم الكليات "مواد كتييير ملهاش لزمة
وبعدين تخرج تلاقى حاجات كتييييير ليها لزمة وانت مسمعتش عنها
بلاش دى......
لما تبدأ حياتك مدير
وتتخنق وتقرر ان تتنحى وان تعود الى صفوف الجماهير
تقوم تروح شغل تانى
وبعدين تكتشف ان الحاجة "اللى انت رحتها " اللى بتحبها ملهاش مستقبل والمكان معفن ويجيبلك القولون العصبى
اسمع دى بقى
تروح شغل تالت فى غير تخصصك "مدنى بدل ميكانيكا" لأ وايه
بمرتب اكبر من بتاع تخصصك
تقعد تقول النهار تبعت ايميلات وتقارن بين عروض مقاولين
يعنى ابو تريكه جاله عقد احتراف " بمبلغ جامد" علشان يلعب استغماية فى الزمالك
تقوم تحس ان انت مخنوق جدا جدا
اقول ايه بس...........بجد بجد يا جماعة
نحن فى بلد يأكل فيه الكلب العجوة
بل نحن فى بلد يلعب فى الفيل الطاولة
بل نحن فى بلد يشرب فيه السمك القهوة

عبدالحكيم

اعز الحبايب

اعز الحبايب يالي غايب وسايب قلبي دايب
مش نواي ترجع ولا خلاص مليش نايب
بس انا لسه فاكر كل حاجه وعمري مانسى الحبايب
اعز الحبايب
مهند كمال

قالك قالك قالك ايه ... قالك قرب يا محترم
قالك شوف و اتفرج
بلد غريبة و ناس اغرب بلد بتاكل ف ولادها و اغرب منه ولادها بياكلو فيها
قرب و اتفرج يا محترم.....
شوف شباب زي الورد هايم ضايع تايه ومع ذلوكا بيضحك ملو شفاتيره
قرب و اتفرج يا محترم.....
شوف بنات بتتاخر ف الشغل لحد الساعة واحدة بالليل و عيال ( المفروض حسب تقارير وزارة الصحة انهم ذكور!!!! ) وسطهم زي الزمبلك و لحد الساعة واحدة برضه بالليل سهرانين بس مش ف الشغل لا بيرقصو و يهزو ف الافراح ؟؟؟؟؟
قرب و اتفرج يا محترم.....
شوف شركات اتوبيس غريبة تعملك التذكرة ب جنيه!! + 10 صاغ ( و ما تفهمش مشمعنا بريزة بالذات يعني مثلا ليه مش 15 قرش او ربع جنيه ؟!؟!؟!؟ ) و اغرب منها واحدة ست تطلع تلقح جتتها ع السواق و ايمان المسلمين تلاته ماهي دافعة للواد الصغير اللي معاها و اغرب منهم الاتوبيس كله ماحدش فتح بقه يقول وحدو الله يا جماعه ( زي ما كان بيحصل زمان ) و اغرب من كل دول الواد الصغير موضوع المشكلة اللي وسط كل ده نازل لهط ف عصاية الاوستيك اللي معاه و انا ريقي ناشف ابن القديمة ولا كانه ليه علاقة بالموضوع...؟ و اللي يعيش ف الدنيا ياما يشوف و اللي ليف يشوف اكتر اكرم عبدالجبار

رحلة المليون

لعب الكرة فى الشارع ....النموذجى....رحلة المليون...مسجد الشهداء الشهدااء الشهدااااء.....كرسى الفتيس....الترسانة...لعب السلة....الشيخ ابراهيم عبدالمعطى....عم نفيسة (يا عم ان تعبان)...اقعد فى المنضف....بويزوون...عبوزوزة...اللعب على السلم....اللاسلكى...عندك دليل....مركز شباب البحيره...مدرب السباحه اللى ما بيعرفش يعوم....كابتن مصر...مصر.....اصحاب كتير...من اول محمد كلينتون....ومرورا ب ....وقفة الشارع مع احمد شعبان و عمر صفوان وممدوح خامس...خد هانسول وادعيلى....محمد عماد:فى كونفلكت فى الاش اع ام...مشاوير وسط البلد.....مشروع المكتبة....النت ومشاكله من اول ما كان فكره لحد عهد عبدالودود ....يااااااه...واخيرا البحر الكبير...فاكر يا اكرم

امضاء
عبدالحكيم اسعد

عندي امتحان

عندي امتحان وقاعد تعبان ومش قادر انام
ولا ديه اوهام ولا افلام يمكن احلام لا اكيد ده انتفام
بس انا مش هنام وهفضل تعبان وعندي امتحان
اخوكم
مهند كمال

البحر الكبير , شكله ايه ؟؟ ... بحر !! كبير!!....كنت عارف

عارف لما الدنيا تكشرلك تعمل ايه؟؟؟؟؟؟
عوم و اتمختر مخترمختر.....
عوم عوم عوم عووووم و اتمااااااااااااااتختاااااااااااااارررر!!!!!

و لاننا حاسين ان الدنيا مكشرلنا و انها زي البحر الكبير قررنا اننا نعمل البتاعه دي لعلها تخلينا نتمااااختااااااار و احنا بنعوم فيها

امضاء
اكرم عبدالجبار
عبدالحكيم اسعد