ثلاثين

فى بداية عقدى الثالث
اكثر من حدث من الاحداث المهمة
الزواج...وضوح اكثر فى رؤيتى بالنسبة للعمل او الكارييير كما يسمونه....نقلة الى شركتى الرابعة...دراسة الماجستير
ومع هذا بعض الاحداث الاجتماعية والانسانية المتعبه بعض الشىء
فعلا الواحد بيكبر.......حاسس انى بكبر
نظرتى للحياة والامور
ولكن...
وعلشان ماتخدنيش الجلالة واعيش دور انى حكيم
حاسس انى غير متزن...ايوه غير متزن
كل شوية اشد مع حد......بقيت عصبى
لدرجة انى مش عاجبنى الشغل....مش شغلى ...الشغل عامة....نفسى ما اشتغلش
فكرة التعامل مع البشر....متعبييييييييين
كل واحد جواه افلام...منها الى انا فاهمه ومنها الى مش فاهمه
اعد اسايس واصبر وساعات اتعصب ...كده او كده مايعجبش
طبعا احتمال ان العيب فيا وارد بقوة
حاسس انى محتاج اتعلم اتحكم فى اعصابى اكتر
اعرف امتى اقفل حوار...ايوه.....تصدقوا دى انا بيطلع عينى علشان اقفل حوار مع حد
محتاج اعرف اوقف كل واحد عند حدوده....انبه الى قدامى انى متضايق من غير ما احرق دمى
محتاج اعرف (بفتح العين وشدة على الراء) زمايلى ان الشغل شغل من غير ما يزعلوا
لو ربنا احيانى لاكمل هذا العقد محتاج اكون متزن اكتر من كده
ادعولى

وللحديث بقية
عبدالحكيم