.jpg)
بسم الله. و الصلاة و السلام على رسول الله. خيرته من خلقه و مصطفاه. اللهم انا نشهد بأن رسولك بلغ الحق ووفى. فاكتبها لنا يارب عندك شهادة حق و من منك بالامانة اوفى.اما بعد
بما اننا جينا للكلام ف الحق و انا ف الحق معارفش مهند و لا عبدالحكيم ف انا يا اخواننا انا عاوز اشرحلكم انا شايف الدنيا ازاي دلوقتي في ضوء اللي انا شايفه ف الشغل حاكم انا باشوف الدنيا من منظور مختلف اليومين دول
وبحاول احكم على الامور من منظور واحد لسه داخل على الشغل, شاب زغلول يعني
تخيلو يا اخواننا انه شاف المدير بتاعي و هو زانقني ف المكتب و عمال يديني دروس و مواعظ عن المبيعات و كيفية اهتمام الواحد بشغله والتفاني في العمل و انه لازم نهتم شوية بالشغل "لاننا ف فترة صعبة" مل(حوظة: مع اني لسه سامع من مدير المنطقة اننا عاملين نتائج احسن من الشهر اللي قبله) و يسهب في ضغطه على علشان يزقني ناحية الشغل لاني كسلان جدا .... الخ
على النعمة الواد ده كان عيط من كتر التمثيل و زمانه متخيل مديري ده انه حسين صدقى ف فيلم عربي و انا ابقى استيفان روستي او محمود المليجي و اسمي اكرم بشكها وشايل موس تحت شفتي
يا خلق هووووووووووووووووو شوية صراحة و شوية شجاعة و شوية صدق مع نفسنا انشالله حتى شوية شاي ف الخمسينة .. اي حاجة ف رغيف طيب
انا متهيالي ان الكفر نوع من الكدب على الذات. اه والله ماهو ربنا قال للرسول الكريم ص ان الكفار من هاينكرو ووجود الله انما ف الحقيقة انهم بيكدبو على روحهم و كذالوكا المدراء برضه بيكدبو على نفسهم انهم بيشتغلوا و احنا المفروض نؤدي فروض الولاء و الطاعة
حقاً و المدراء يتبعهم الغاوون
و للحديث بقيه ان كان في عمر مديري بقية
No comments:
Post a Comment