الناس اللى فوق

السلام عليكم

موضوعنا النهارده عن الناس اللى فوق اوالطبقة العليا او علية القوم .... سميهم زى ما تسميهم ..الناس دى عايشين معانا فى مصر وطول عمرهم موجودين ولكن

حصل تغيير فى السنوات الاخيرة

الناس دى زادت قوى من حيث العدد وكمان من حيث الثراء

اصبحت تجد اناسا مصريون مائه بالمائه ولكنهم يعتقدون ان عاصمة مصر هى شرم الشيخ ويتحدثون الانجليزية مع بعض او الفرنسية ويتابعون الدورى الاوروبى بعضهم يشجع اليوفنتوس والبعض الاخر مانشستر وحتى مشاكل مصر يعرفوها من القنوات الفضائية .... طعامهم المفضل السيمون فيمية ..
قصدك ايه!!! ما بيكلوش فول
..احيانا يكلوه كنوع من الروشنة....وبيشربوا مياه معدنية بس ومنهم اللى بيغسل بيها الصحون ....العريس فيهم بيتعرف على عروسته على البحر واول ما يشوفها لابسه ال... تيييييييت..يقول هى دى...يعمل ايه!! يروح يقولها بحبك تقوله كداب..وتانى يقوم تكون الدخلة فى جزر البهاماس...ياى... الجلابيه يعملولها حفلة عشان يلبسوها..وبعضهم متأكد ان مصر مافيهاش واحد بينام من غير عشاء..اختصارا حاجة كده زى اللى فى فيلم كابوريا ..فاكره..الاها اها ايه

الناس دى زادت على حساب الفئة المتوسطة التى اضمحلت ...جامدة اضمحلت دى

ايوه يعنى الفئة المتوسطة راحت فين
...منهم اللى استطاع بطرق مشروعة او غير مشروعة ان ينضم للناس اللى فوق

والباقى لقى نفسه زى ما هو بقى من الناس اللى تحت...يعنى مش نزل..لا وهو زى ما هو بقى تحت

طبعا الفئة دى بما انها زادت عددا وكمان هما اللى معاهم الفلوس ..اصبحوا هما المستهدفين كعملاء من الشركات واصحاب المشاريع

وده يتمثل فى ظواهر عديدة؟ ما هى هذه الظواهر ؟ وكيف حدث هذا التغيير فى المجتمع وايه اسبابه ؟والحل ايه ؟

هو ده هيكون محور حديثنا فى عدة حلقات ..قصدى مدونات ..عن هذه الفئة

وللحديث بقية

ملحوظة : الباب مفتوح للمشاركات من جميع الطبقات...نياه نياه نياه

عبدالحكيم