الإحباط

تكملة للسلسه التي بدأها اكرم في (حد يفتح النور ) وعبد الحكيم من بعده عندما تحدث عند صديقه في (عمرو عطيه )

وها انا ذاك اكمل المسيره في (الإحباط) ومن الغريب ان اكرم لما اتكلم كان مخنوق مستني حد يرجعه لأيام ما كان في نور وكذلك عبد الحكيم والحاله التي انتابته بعد فقدان صديقه اللي صداقتهم مش من كتير على حسب كلامه وها انا ذا على نفس الشاكله بعد ان كنت بدأت اشعر ببعض الامل في الحياه سرعان ما سرق مني هذا لاحساس وانا الان اشعر بالاحباط .
أشعر بالاحباط ممن حولي بالعمل نظرة اصدقائي القدامى بالقسم القديم التي تملأه ان العيشة ارتاحت معايا ومحدش قدي
بجد اول مره اخاف من الحسد واني اتعامل مع الناس بطبيعيه وطبعا مش عايز احكيلكوا النظره ديه مخلياني محطون في القسم الجديد والذي ما ذادني الا مهام اضافيه بالعمل فقط يعني لا فلوس زياده ولا اي نوع من انواع المميزات زي ما اصدقائي القدامى فاكرين.
ده طبعا غير الاحباط اللى بدأ ينتابني بمجرد ما بدأت افكر من جديد في موضوع الجواز اللي انا كنت أعرضت عنه منذ ثلاث اعوام تقريبا بعد تجربتي الماضيه بموضوع الخطوبه وطبعا الاحساس ده تضخم بعد ما قولت انا لازم يبقى عندي شقه وبدأت انزل واتفرج على الاسعار اللي في متناول الجميع طبعا والله المستعان.
بشعر بالاحباط لما يكون مطلوب منك تعمل حاجات كتير وده لكونك راجل ولازم تنفذ كل الحاجات ديه ففي سن صغير وقبل ما قطر الحياه يفوتك.
حتى الحب ساعات كتير بينتابني الاحباط بسببه وده لاني كتير بحس اني ممكن يروح مني وانا واقف بتفرج لاني مش بأيدي حاجه اعملها وانا بتكلم على الحب اللي بداية خطوبه ونهاية طبعا جواز مش بتكلم على الحب المحرم لا سمح الله.
بشعر بالاحباط لما بروح تعبان جدا مش قادر اقوم اصلي المغرب و العشاء واللي لو قدرت اقوم بصليهم وانا مش في الدنيا لاني مش مركز في اي حاجه وطبعا ده بقا مش مع المغرب والعشا بس بقى مع الخمس فروض.
بأحبط كمان لما بلاقي نفسي ما بقتش بسعى للخير قوي زي فتره من الفترات والله المستعان.
مش عارف اقول ايه ولا ايه.
كفايه كده عشان احبطكم.
ماعدنيش في الاخر حاجه اقولها غير قول النبي صلى الله عليه وسلم

إن لم يكن بك غضب على فلا أبالي