عمرو عطيه

معرفتى بيه مش قويه...زميل فى الماجستير
طلب منى حاجه مره ومعرفتش ابعتهاله بسبب دوامة الحياه
قعدت جنبه فى اخر امتحان .... وهرجنا وصورت منه حاجات وصلينا سوا
عادى... الكلام ده من حوالى ثلاث اسابيع
.....................................
جالى ميل انهاره عزاء فيه
الميل من جوه مفيهوش غير موقع
فهمت منه انه كان فى مجال نظم المعلومات وبيعلم ناس وليه تلامذته اللى بيحبوه
تلامذته دول عملوا علشانه الموقع ده علشان يكون صدقه جاريه
http://www.amrattiah.com
اسأل الله ان يرحمه ويغفر له ويجعل مثواه الجنه
من ساعة ما قرأت الميل جوايا احاسيس كتير
انى ممكن اموت فى اى لحظه ...بجد بجد بجد
مش عارف المفروض اعمل ايه
شايف كل حاجه هايييييييفه.....كل مواضيع الشغل....كل مواضيع البيت...كل حاجه
مش عارف اضحك....ببتسم بالعافيه
نزلت اصلى المغرب الشيخ انا عارفه انه بيطول....كان نفسى يقرأ اطول وقت ممكن
نفسى افضل فى الجامع...
بس انا عارف انى لازم ادخل ...ارجع ...فى الدوامه
وعارف انها هتاخدنى تانى وتانى وتانى
انا بكره الدنيا
عارف انها مجرد ممر للاخره...بس برضه بكرهه
نفسى متعلمش فيا اللى بتعمله
لما بغلبها مره ..... بتغلبنى مرات ومرات
اللهم نجنا من هذه الدنيا الى جنتك يا ذا الجلال والاكرام
اللهم لا تجعل الدنيا اكبر همنا
اللهم انزع من قلوبنا حب الدنيا وكراهية الموت
اللهم ارزقنا الشوق للقائك

عبدالحكيم