إشاره مرور عمرك فكرت في مره تروح تقعد اشاره مرور كبيره وتقعد تبص في عيون الناس اللي واقفين فيها
وتحاول تقرا افكارهم اعتقد اننا ممكن نقرا حاجات كتبر قوي في عيونهم
اولهم مثلا الناس اللي في اول صف فالاشاره واحد منهم على اخره وحاسس انه اكتر واحد مستعجل وعمال يطلع بعربيته شويه شويه لقدام
وواحد تاني اسمه فلات بيه ومايتفعش يستنى ويكسر الاشاره ويعدي الراجل الغلبان مايقدرش يكتب رقم العربيه لانه 3 ارقام او 4 واللوحه لونها اسود وغيره كاتب على العربيه بتاعته (حمؤه الجن شريب السم ) وشايف انه مده واد خطر جدا
وفي اتنين فالعربيه اللي وراه واحد منهم بيقول للتاني شايف المتخلف كاتب ايه على العربيه حاجه عجيبه والله
ووراهم بقا واحد بيغلي منهم عشان هما كسروا عليه وخدو مكانوا مستني الاشاره تفتح بفارغ الصبر عشان ينتقم
وشاب تاني ومشغل الكاسيت على الاخر وبيضحك هو وصاحبه باعلى صوت ده غير بقا الدخان اللي طالع من السيجاره وطبعا منظر البت اللي قاعده على رجل اللي جانبه وبتاخد منه نفس وعندك كمان عم فلان اللي ربنا يكون في عونه اللي مفيش ولا زبون ركب معاه من الصبح
وغيره وغيره هتلاقي كتير بس لو جربت تقعد هناك احمر اصفرررررررررررررررررررر اخضر
الاشاره فتحت اللحق ياجده دور العربيه بسرعه امشي بسرعه يا عم قبل مالاشاره تقفل تاني فجاءه صفاره عاليه في وسط الهيصه الكبيره ديه الاشاره وقفت تاني خخخخخخخخخخخخخخخخخخخ ايه وقفت !!!!!!!!!!!!!!!!!! اووووووووووووووووووف ياعالم حرام عليكم انا بقالي 3 ايام واقف فالاشاره انا باين هموت هنا ولا ايه طب حد يكلم امي يطمنها علي عشان زمانها قلقت دا لو كانت هرفت تخرج من طابور العيش اصلها بقالها اسبوع عناك
انا طولت عليكوا وإلى اللقاء القادم مع طابورالعيش
No comments:
Post a Comment