اعلن انا عبدالحكيم لنفسى وبنفسى وانا فى كامل قواى العقلية انى مش عايز اشتغل انتاج عامة و...خاصة فى الشركة اللى انا فيها...ايا كانت المزايا وايا كانت الامال
ليه بقى؟؟؟
اولا لان الموضوع مدمر لحياتى كانسان انا لسه راجع من الشغل 12 ساعة وتقريبا بشتغل كده يوميا ولما برجع من الشغل الساعة 6 بمشى كانى هربان
ثانيا ده مؤثر على اتزانى فى حياتى...مقصر فى دينى وعلى طول بصلى وانا مش مركز ...مقصر فى علاقاتى الاسرية امى وزوجتى...مقصر فى حقى كانسان فى عمل شىء احبه....فقط شغل شغل شغل...بيقولوا ده هيكون لمدة الموسم حوالى 4 او 5 شهور...ولو...ايه الجميل فى انك تعيش زى التور اللى داير فى ساقية 5 شهور على امل انك تعيش انسان باقى العام.....شكرا
ثالثا الموضوع بقى يمس قاعدة هرم موسلو الحاجات الاساسية النوم والاكل والراحة...بقيت محروم من كل ده...فطبعا مابفكرش فى باقى الهرم
انا بكتب ليه بقى الكلام ده لانى خايف جدا ومرعوب بعد ما اغير الوضع ده ان شاء الله انسى واشتاق انى ارجعله فعايز اسجل لحظات الام فى عزها
وبناء عليه قررت انى اعطيهم فرصة للشهر القادم وفى نفس الوقت ادور على شغل او ارجع شغلى القديم لو كل المحاولات فشلت
اللهم اختر لى فانك تعلم ولا اعلم
عبدالحكيم
No comments:
Post a Comment