السلام عليكم
ازيكو يا شباب....وحشتونى
اصبحت مدوناتنا قليلة بعد ما بعدنا وشغلتنا ضغوط الحياه
المهم انكم وحشتونى
ادخل فى موضوعى
الحياه بتعلم الواحد دروس كتير قوى
والحقيقة انى من صغرى احاول وضع قوانين او قواعد تساعدنى فى حياتى او فى اتخاذ قراراتى
احد الظواهر الى حاولت من صغرى احطلها قانون هى الفرص
فرصه جامدة...فرصة لى دلوقتى...فرصة راحت...فرصة ما بتجيش غير فى العمر مره
كلمات تستخدم فى حياتنا كتير
كان اول سؤال بيشغلنى من زمان هو كيف نتعامل مع الفرص؟؟؟؟
محدش فلحوص يقولى ناخدها
انا اقصد من كل اتجاه.... نفرح ولا نقلق .....نزعل لما تفوت ؟؟؟
كانت اول قاعده هى
كن دائما مستعد لأن الفرصة جايه جايه بمشيئة الله
يعنى مثلا واحد شغال فى مجال ومش عارف يدخل المجال اللى نفسه فيه...مجال اخر مثلا طبقا للقاعده يبدأ يستعد كأنه متأكد انهم هيكلموه فى اى وقت...مثلا ياخد كورسات ....يستعد للانترفيو ميقولش طب فين الفرصه ....جايه جايه بمشيئة الله
قابلتنى شوية مواقف فى حياتى خلتنى احط
القاعده التانيه الفرصة اللى بتفوت عمرها ما بتيجى تاني...لكن ...بتيجى واحده غيرها
حاجه كده زى المترو
يعنى من الاخر متزعلش ...بس المره الجايه لازم تكون مستعد
بيحصل ان بتيجى فرص القاعدتين اللى فاتوا...مش بيحلوا
فجاءت القاعدة اللى التالته
دى ارزاااااااااااااق
دى بذات تطبق لما بتشوف حاجه نفسك فيها اوى ورايحه لواحد ميستحقهاش خالص ...فى نظرك
الدنيا ماليانه حاجات مش بتاعتك انك تفهمها ومش انت اللى بتقسم الرزق
وبعدين وده الاهم
مين قال ان دى فرصه ...القاعده الرابعه
احنا بنشوف الحاجات وكأنها هى فى الفاترينه ولكن اللى بياخدها هو اللى بيدفع التمن
وساعات بيكون التمن غالى ويوجع
طول مانت شايفها فى الفاترينه بتشدك بجمالها...لكن التمن الله اعلم بيه
الحقيقة انا مدين لشركتى اللى فاتت ..شركة الاتوبيسات المحدوده فى معرفتى باخر قاعدتين
انا بس كتبت المدونه دى علشان كنت حاسس انهارده ان فى فرصة ضاعت منى
ازيكو يا شباب....وحشتونى
اصبحت مدوناتنا قليلة بعد ما بعدنا وشغلتنا ضغوط الحياه
المهم انكم وحشتونى
ادخل فى موضوعى
الحياه بتعلم الواحد دروس كتير قوى
والحقيقة انى من صغرى احاول وضع قوانين او قواعد تساعدنى فى حياتى او فى اتخاذ قراراتى
احد الظواهر الى حاولت من صغرى احطلها قانون هى الفرص
فرصه جامدة...فرصة لى دلوقتى...فرصة راحت...فرصة ما بتجيش غير فى العمر مره
كلمات تستخدم فى حياتنا كتير
كان اول سؤال بيشغلنى من زمان هو كيف نتعامل مع الفرص؟؟؟؟
محدش فلحوص يقولى ناخدها
انا اقصد من كل اتجاه.... نفرح ولا نقلق .....نزعل لما تفوت ؟؟؟
كانت اول قاعده هى
كن دائما مستعد لأن الفرصة جايه جايه بمشيئة الله
يعنى مثلا واحد شغال فى مجال ومش عارف يدخل المجال اللى نفسه فيه...مجال اخر مثلا طبقا للقاعده يبدأ يستعد كأنه متأكد انهم هيكلموه فى اى وقت...مثلا ياخد كورسات ....يستعد للانترفيو ميقولش طب فين الفرصه ....جايه جايه بمشيئة الله
قابلتنى شوية مواقف فى حياتى خلتنى احط
القاعده التانيه الفرصة اللى بتفوت عمرها ما بتيجى تاني...لكن ...بتيجى واحده غيرها
حاجه كده زى المترو
يعنى من الاخر متزعلش ...بس المره الجايه لازم تكون مستعد
بيحصل ان بتيجى فرص القاعدتين اللى فاتوا...مش بيحلوا
فجاءت القاعدة اللى التالته
دى ارزاااااااااااااق
دى بذات تطبق لما بتشوف حاجه نفسك فيها اوى ورايحه لواحد ميستحقهاش خالص ...فى نظرك
الدنيا ماليانه حاجات مش بتاعتك انك تفهمها ومش انت اللى بتقسم الرزق
وبعدين وده الاهم
مين قال ان دى فرصه ...القاعده الرابعه
احنا بنشوف الحاجات وكأنها هى فى الفاترينه ولكن اللى بياخدها هو اللى بيدفع التمن
وساعات بيكون التمن غالى ويوجع
طول مانت شايفها فى الفاترينه بتشدك بجمالها...لكن التمن الله اعلم بيه
الحقيقة انا مدين لشركتى اللى فاتت ..شركة الاتوبيسات المحدوده فى معرفتى باخر قاعدتين
انا بس كتبت المدونه دى علشان كنت حاسس انهارده ان فى فرصة ضاعت منى
وللحديث بقية
عبدالحكيم
No comments:
Post a Comment