لو هما فشلوا احنا هننجح ان شاء الله

وضع موجود وكلنا واقعين فيه الا وهو
الفرق بين كل اللى بنقرأ او بنسمع عنه من طرق اداره وخلافه وبين واقع العمل فى مصر
فرق شاسع ..انا مش عايز احبط حد بس بحاول احلل الوضع ...وعلى فكره انا ولله الحمد الايام دى نفسيا احسن كتير من ايام تانيه فى حياتى العمليه
الحمد لله
طيب الموضوع ده كبير قوى بس انا هجيب من الاخر ...معادله كده حطيطها لنفسى علشان اتفادى اى مشاعر مش ولا بد
نقاط رئيسيه فى صورة نصائح لمواجهة واقع العمل فى بلدى الحبيبه
على فكره الحبيبه دى مش تريقه ...انا بحب مصر بجد

أولا:استخدم مهاراتك
الانجليز بيقولوا
USE IT OR LOSE IT
يعنى الحاجه اللى مش هتستخدمها هتفقدها...والكلام ده ينطبق تماما على المهارات واى حاجه تتعلمها
المقصود حاول دايما تتطبق الحاجات اللى بتسمع عنها او تقرأها مهما كانت صغيره
اديكو مثال... انا انهارده كان فى مشكله بحلها مع زمايلى جبت ورقه وكتبت عليها من فوق
BRAIN STORMING
قالولى يعنى ايه ده بقى وبدأت اقول اللى اعرفه ...طبعا شوية تريقه بس فى الاخر استخدمناه..وان شاء الله المره الجايه احسن
وناوى كل اداه اعرفها اعمل فيها كده

ثانيا:اقرأ فى مجالك...مين فيهم بيقرأ
خلينا واقعيين احنا كسالى .....طيب اسأل سؤال اخر كتاب قرأته فى مجالك امتى
قرأته ....مش نزلته من النت
انا شخصيا عندى كتب لو قرأتها تخلينى الرجل العنكبوت ...جامد يعنى
بس
مفيش بس...ان شاء الله هقرأ حتى ولو صفحه ومش هيأس من نفسى
ده فى وليه فى كوريا امتحنت سواقه 950 مره لحد ماخدت الرخصه

ثالثا:انت محترف...حتى لو هما فشله
حاول تخلى شركتك احسن
احسن من ايه؟؟...احسن وخلاص
يعنى لو تقيمهم 0 من 100
حاول تخليهم 0.00001 من 100
يعنى ايه...اى حاجه ينفع تحسنها او تفيد بيها الشركة اعملها
مثلا متسبشى نور منور وانت مش محتاجه ...اهه توفير لشركتك
ولاد التيييت دول اطفلهم النور.... دول فشله
ايوه انا معاك...هما فشله بس انت ناجح ...صح؟؟؟ ده رقم واحد
رقم اتنين : الشركه دى فى السى فى بتاعك ونصف الفشل احسن من الفشل
يعنى لما تكون فى انترفيو وتقول كنت فى شركة كذا....يقولوا لك اللى فشلت وقفلت هتزعل
والنجاح والفشل نسبى
هما لو بيخسروا اكسب انت نفسك

رابعا:متنساش البنزين
البنزين؟؟؟ ... السبيج
الفلوس يا عزيزى ايبك
فاكر فى لعب الكمبيوتر لما يكون فى حاجه بتاخدها علشان يكون عندك طاقه او بنزين وتكمل
هى دى الفلوس فى حياتنا
والفلوس لعبة تلات حاجات
1- على نفسك عامة (بتشديد اللام) ..... ازاى؟؟؟... كورسات وقراءات ومتنساش تحفظ الاختصارات
KPIوIQو CEOو PSTو
2-الانترفيوهات ممكن تسميها اللحظات التاريخيه
دى اللى هتجبلك اللى عمرك ما هتاخده فى شركتك
3-المساومات ..لو ينفع تقعد فى شركتك
وهنا ممكن تاخد اللى عمرك ما كنت هتاخده فى الانترفيوهات ... بس العبها صح
وفى الاول والاخر دى اسباب والرزق بيد الله (والجمله دى ركز فيها قوى)

خامسا:فيد غيرك...وصدقنى هتستمتع
شوف نشاط جنب الشغل يرضيك نفسيا
انا شخصيا عندى مشروع ...لسه فكره بس بحلم اعمله
ادى كورسات للخريجين مهمه فى عملهم ...غير كورسات المهارات المنتشره
LEANكورسات فى الشغل نفسه ...مثلا كورس فى الاسطمبات او ال
فى مجالى حتى لو ببلاش ..ده هيحسسنى ان شغلى ومشاكلى وخبرتى المحدوده حد استفاد منها

وللحديث بقية
عبدالحكيم