من الاخر

نحن لا نعيش الحياة كما ينبغي لأننا لم نفهمها كما ينبغي،
فنحن نعيش الحياة على مرادنا من الله
وليس على مراد الله منا،
فلما قررنا العيش على مرادنا لنوع حياة نحن نريدها
فى جملة وأوصاف من صنعنا
ولمال نحن تصورناه لأنفسنا
ولصحة نحن رسمناها لأنفسنا
فلما تكدرت علينا مراداتنا... تنكدنا
ابن القيم

عبدالحكيم

هو انه احسن

صحيح هو انهو احسن

انك تبقى الكل في الكل ومعاك كل الصلاحيات وتقدر تتحكم في كل حاجه وكل حاجه تتم زي مانت عايز بس طبعا ده كله

من ناحيه واحده بس وهى الثقه المطلقه لتفكيرك في العمل والوثوق بنجاح تفكيرك ولكن كل ده بدون العائد المادي اللي تتمناه

ولا الاحسن انك تاخد العائد المادي والتغطيعه العلاجيه المحترمه والمواصلات والاتصالات وكله تمام ولكن برده كل ده

من ناحيه واحده فقط الا وهي الناحيه التوظيفيه على اعتبار ان اي موظف موجود زيك بيحصل على نفس الامكانيات بس كل ده بتحصل عليه لمجرد انك موظف زيك زيهم بس لكن على الجانب الاخر اتسحبت منك كل الصلاحيات اللي فوق وبقيت مجرد واحد بياخد أوامر تقريبا من كل الناس لدرجه اني احيانا بحس ان ممكن بتاع البوفيه يخش يزعقلي ويقولك هي ديه

ال process

وانت طبعا ماتقدرش تفتح بقك ساعتها

بجد انا في حيره كبيره مش عارف فين الصح من الغلط

بس خلاص كنت بطلع شويه من اللي الواحد شايله جواه

حتى مش عارف الحديث هيبقى ليه بقيه ولا لأ

انا عاوز ايه

كنت اتحدث مع زميلى فى العمل عن فكرة ان الواحد يعمل مشروع ولا يشتغل عند حد
وانا ارى ان الاختيار صعب بين الاتنين وان كنت ارجح انى اشتغل عند حد مع الاعتراف بان حلم المشروع لم يمت بداخلى
قلت له على افكار بفكر فيها زى العمل الاكاديمى فى الجامعة لو جت فرصه ولانه مستبعد الفكره ظل يعدد عيوبها
وفجأة ...سألنى سؤال نزل على كالصاعقه رغم بساطته وتكراره فى حياتى
انت عاوز ايه
وحسيت ان سبع بطاريق بيدونى بالقلم على وشى ورا بعض زى اعلان هولز
ياااااااااااااه....لسه السؤال ابن اللذينا ده بيعمل فى الواحد كده
صحيح...انا عايز ايه
وبسرعه فريت فى دماغى ..والمفاجأه انى لقيت حاجات كتير بس معرفتش اختار واحده
طبعا ممكن بسهولة جدا انى الاقى اجابة مثاليه من الدين...بس هو ده اللى انا حاسه فعلا ولا كلام نظرى

افتكرت مدونتى التاريخية منفسيش فى حاجة ولقيت حاجة غريبة
من 29 حاجة كان نفسى فيهم 7 اتحققوا بالفعل او فى الطريق ان شاء الله
10 ممكن اعملهم الصبح بشوية تنظيم
خد بالك ان الكلام ده فى سنه ونصف...وان الامنيات كانت كتير
ده العفريت فى الافلام بيدى تلات فرص وبالعافيه لو ادى سبعة ودول كانوا 29

ملحوظة تانيه ..ان الواحد امنياته بتفضل تتحرك وتتبدل طول ما هو ماشى
مش شوية امنيات اتحققوا يبقى خلاص...لا لا لا لا
لكن الاكيد ان من فتره للتانيه لازم السؤال ده يتكرر ويكون له نفس التأثير
انت عاوز ايه
ويفضل الواحد يفكر زى ما انا بفكر دلوقتى

وللحديث بقية
عبدالحكيم