ويبقى التدوين
فاكرين الحركة بتاعة زمان لما كان حد يحط للقطة مشبك فى ديلها
كانت تفضل تلف حوالين نفسها علشان تمسك المشبك...وتلف ...وتلف...الى مالا نهاية
هو ده بالظبط اللى انا حاسه دلوقتى
بروح الشغل ونفسى يخلص وبرجع البيت واكل على ان الاكل من لحظات السعادة واحس بوخم بعد الاكل واعيش معركة يومية مع الوخم...وبعدين اعمل اى حاجه
واروح انام اهو برضه النوم حلو على امل ان بكره يكون فى جدبد
وهكذا...وحاسس انى هفضل كده لحد ما اموت...ربنا يستر
الشغل والمدام وام الماجستير ورغباتى فى عمل حاجات هبلة على انها راحه
كل ده بيتداخل...الوقت محتاج انسان مركز وشاطر والاهم انه لما يعوز يعمل حاجه يقدر يمسك نفسه من افاها عشان تعمل
وانا فعلا المشكلة دى عندى لدرجة انى احيانا بفكر اروح لدكتور نفسى... بجد
او يمكن ملبوس
اللى يشوفنى وانا ناوى اقعد علشان اخلص كلمتين فى الماجستير ...هيفهم قصدى
ببقى عامل زى اللى هينط قفزة الثقة
فى حاجه مكلبشانى مش عارف ايه...والجأ للتأجيل والتأجيل والتأجيل
واتخنق وأأجل واتخنق وأأجل واتخنق وأأجل واتخنق وأأجل
ممكن انتصر على نفسى واسيطر على وقتى واجبر نفسى على اللى انا عايز اعمله
ممكن ان شاء الله
الله المستعان
فاكرين الحركة بتاعة زمان لما كان حد يحط للقطة مشبك فى ديلها
كانت تفضل تلف حوالين نفسها علشان تمسك المشبك...وتلف ...وتلف...الى مالا نهاية
هو ده بالظبط اللى انا حاسه دلوقتى
بروح الشغل ونفسى يخلص وبرجع البيت واكل على ان الاكل من لحظات السعادة واحس بوخم بعد الاكل واعيش معركة يومية مع الوخم...وبعدين اعمل اى حاجه
واروح انام اهو برضه النوم حلو على امل ان بكره يكون فى جدبد
وهكذا...وحاسس انى هفضل كده لحد ما اموت...ربنا يستر
الشغل والمدام وام الماجستير ورغباتى فى عمل حاجات هبلة على انها راحه
كل ده بيتداخل...الوقت محتاج انسان مركز وشاطر والاهم انه لما يعوز يعمل حاجه يقدر يمسك نفسه من افاها عشان تعمل
وانا فعلا المشكلة دى عندى لدرجة انى احيانا بفكر اروح لدكتور نفسى... بجد
او يمكن ملبوس
اللى يشوفنى وانا ناوى اقعد علشان اخلص كلمتين فى الماجستير ...هيفهم قصدى
ببقى عامل زى اللى هينط قفزة الثقة
فى حاجه مكلبشانى مش عارف ايه...والجأ للتأجيل والتأجيل والتأجيل
واتخنق وأأجل واتخنق وأأجل واتخنق وأأجل واتخنق وأأجل
ممكن انتصر على نفسى واسيطر على وقتى واجبر نفسى على اللى انا عايز اعمله
ممكن ان شاء الله
الله المستعان
عبدالحكيم
